December 20, 2023 (Nilaini) chawhma dar 10 khan J.M. Lloyd Hall, Synod Office-ah Synod Office-a thawktu pension-a chhuak tur leh hmun danga insawn turte thlahna hun hman a ni.
Programme hi Rev. C. Zorammawia, Staff Welfare Chairman-in a kaihhruai a, Upa Lalbiakenga Fanai, Coordinator-in thlah turte chanchin tawi a sawi. Thlahte hnenah hian ngaihhruina thilpek leh certificate hlan an ni a, an hnen atangin thusawi tawi ngaihthlak a ni bawk. Rev. Dr. K. Lallawmzuala, Executive Secretary chuan tawngtaisakna hun a hmang a, Rev. VL Luaia Hranleh, Executive Secretary chuan malsawmna-in a tin a ni.
Tun tumah Synod Office-a awm, pension-a chhuak tur mi pakua leh hmun danga insawn tur mi pali an awm a.
Pension turte :
1. Rev. Dr. C. Chawnghmingliana
2. Rev. Lalsangbera
3. Upa Lalsawmliana
4. Upa H. Lalnuntluanga
5. Pu Andrew Varte
6. Pu T. Lalchhuangliana
7. Pu H. Darrozama
8. Upa P.C. Lalrinawma
9. Pi H. Laldawngliani
Hmun danga insawn turte leh an awmna tur :
1. Rev. R. Laldika - Keitum Bial
2. Rev. Lalrindika - Badhu, Kolkata Field
3. Rev. Zosangliana Fanai - Kawnpui Bial
4. Rev. C. Lalduhawma - Presbyterian Bible School
Synod Office hi December 21, 2023 (Ningani) atangin khar tan a ni ang a, January ni 8, 2024 (Thawhtanni)-ah hawn tan leh a ni dawn a ni.