January 21, 2024 (Pathianni) chawhnu dar 1:30 khan Bawngkawn Kohhran Biak Inah Masihi Sangati Evangelist tirh chhuah inkhawm neih a ni a, tirh chhuahte hi mipa pasarih leh hmeichhia panga, an vaiin mi 12 an ni.
Tirhchhuah inkhawm hi Rev. R. Lalrinsanga, Director, Masihi Sangati Kendra-in a kaihruai a, Upa Lalthahluna Ralte, Coordinator, Synod Mission Board-in inhmelhriattirna a nei a, Rev. R. Lalhmingsanga, Secretary, Synod Mission Board-in tirh chhuahna hun hmangin Rev. F. Lalrinnunga, Board Executive Committee member-in tawngtaisakna hun a hmang a, Rev. Dr. K. Lallawmzuala, Executive Secretary-in thuchah a sawi. He hunah hian Synod Mission Choir, Aizawl Hmarchhak Area Standing Choir leh Bawngkawn Kohhran Zaipawl te an zai bawk.
Heng Evangelist tirh chhuahte hi Masihi Sangati Kendra, Bawngkawn hnuaia Evangelist hna thawk tur an ni a, January ni 15-19, 2024 chhung khan Masihi Sangati Kendra, Bawngkawnah Orientation training an nei tawh bawk.
