Synod Multipurpose Training Centre (SMTC) buatsaih Lay Leaders Training vawi 224-na chu SMTC-ah February ni 13-16, 2024 chhung hian neih mek a ni.
Tun tum training-ah hian Presbytery panga - Kolasib, Sakawrhmuituai, Serlui, Teirei leh Tlawng Presbytery atangin Kohhran Upa 37 an tel thei a ni. February 13, 2024 (Thawhlehni) zan khan hawnna inkhawm neih a ni a, Rev. H. Lalmuanchhana, SMTC Director-in programme a kaihruai a. Rev. R. Vanlalnghaka, Synod Moderator-in training hawngin thuchah a sawi a, Tv. Lalramchana, Mission Veng a zai bawk.
Kohhran Upate tana Lay Leaders’ Training hi kum 1996 atang khan neih tan a ni a, training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a, Kohhran thlarau lam nun enkawl dan tha te zir ho thin a ni bawk.
Training kharna inkhawm hi February ni 16, 2024 (Zirtawpni) zan hian neih a ni ang a, Rev. V.L. Luaia Hranleh, Executive Secretary, i/c SMTC-in trainee-te hnenah Certificate semin thuchah a sawi ang a, Rev. Vanlalzuatan SMTC aiawhin lawmthu a sawi bawk ang.
