Rev. Aneurin Owen (Pu Zolawma), Moderator, Presbyterian Church of Wales hnen atangin Welsh Harp (22 strings) chu February 27, 2024 khan Synod Music School-in an dawng.
He Harp hi Rev. Dr. Andras Iago, Pastor i/c Bro Dinbych, Wales atanga KTP General Conference hmang tura lokal in Synod Office Devotion Hall ah Synod Music School a hman atan a hlan a, Synod hmingin Rev. Dr. K. Lallawmzuala Executive Secretary, i/c Worship in a dawng. Rev. Aneurin Owen hian Rev. Z. John Malsawma Colney, Secretary, Synod Partnership Committee rawn biain, Harp tum dan zir duh tak tak an awm ngei theih nan leh zir thei an awm anih pawhin online inzirtir theih dan kawng a awm theih thu a sawi a. Kan inkungkaihna tih ngheh nan pawh hmanrua tangkai tak anih a beisei thu a sawi. Kan thenawm state Meghalaya atang pawhin tunah zir mek 15 an awm thu leh an zing a 5 te chu April thla ah Wales-ah music tour nei tura ruahman a ni thu te pawh a sawi.
Tin, he Welsh Harp thilpek kan dawn rual hian Mizoram Synod-in Kristian Hla Bu ennawn mekna atana tangkai tak tur Welsh Calvinistic Methodist hla bu “LLYFR EMYNAU A THONAU” 1929 edition chu Rev. Dr. Andras Iago hnen atangin dawn a ni bawk.
For more Pics Click Here