Mizorama Thalai Inkhawmpui lian ber Kristian Thalai Pawl (KTP) General Conference vawi 60-na, Ngopa Public Playground, Ngopa-a nghah chu zanin (Feb. 29, 2024) atang hian tan a ni dawn ta. Conference hian March 3, 2024 (Pathianni) zan thleng a awh ang.
General Conference thupui tur chu ‘Midang tana malsawmna’ (Genesis 12:2) niin Speaker chu Rev. Dr. H. Vanlalruata a ni. February 29, 2024 (Ningani) zanah Palai lawm inkhawm neih a ni ang a, inkhawm banah Rev. Dr. K. Lallawmzuala, Executive Secretary i/c KTP-in KTP General Conference Diamond Jubilee mei a det ang.
March 1, 2024 (Zirtawpni) chawhmaah Rawngbawlna Report inkhawm a awm ang a, chawhnuah Jubilee zaikhawmpui neih a ni ang a, zanah Pathian biak inkhawm neih a ni ang.
March 2, 2024 (Inrinni) chawhma dar 10-ah Ngopa Chhimveng Kohhran Biak Inah Hruaitu thlan leh Rorel Inkhawm neih a ni ang a, rorel hlan hian Pandal-ah programme a awm ang a, chawhmaah thu zir ‘Thalaite Rawngbawlna hmathlir’ tih thupui Rev. Z. John Malsawma Colney, Synod Partnership Committee Secretary-in a sawi ang a, chawhnuah Variety programme a awm ang a, zanah Pathian biak inkhawm a awm ang. Zan inkhawm banah Diamond Jubilee Concert neih chhunzawm a ni ang. Inrinni zan, Pathianni chawhma leh chawhnuah te Conference thupui ngaihthlak a ni ang.
Tun dinhmunah KTP Bial 217 awmin Branch 904 a awm a, member mipa 1,04,736, hmeichhia 66,668, member zawng zawng 1,71,404 an awm mek a ni.
KTP General Conference video coverage buaipuitu tur Synod Information & Publicity (Synfo) thawktuten February 27, 2024 (Thawhlehni) khan Ngopa hi an thleng tawh a. Synod Information Youtube channel-ah Conference Extra tih chhuah thin a ni a, KTP General Conference inkhawm programme hi Hruaina Eng TV Channel leh Central KTP Youtube Channel-ah te LIVE a tihchhuah a ni ang.
KTP General Conference 2022 Programme Click Here
-----------------------------------------------------------------------------------------------------------------------
Kum 2023 Bial KTP Report Khaikhawmna
Bial dinhmun tlangpui :
1. Bial awm zat 217 (Report lut zat 217)
2. Member tamna Bial 3
1) Champhai Vengthlang - 2442
2) Bawngkawn - 2379
3) Ramhlun North - 2367
3. Member tlemna Bial 3
1) Buarpui - 27
2) Pune - 77
3) Chawngte L - 81
4. Branch awm zat - 904 (Ramchhung - 859, Rampawn - 45)
5. Member awm zat - 1,71,404 (Mipa – 1,04,736; Hmeichhia – 66,668)
6. Member tamna Branch 3
1) Mission Veng - 1463
2) Ramhlun North - 1293
3) Chanmari - 1206
7. Member tlemna Branch 3
1) Peren (Kohima Bial) - 3
2) Rotlang East (Hnahthial Bial) - 4
3) Andermanik (Tuipuibari Bial) - 9
8. Member thi zat 552 (Mipa – 484; Hmeichhia – 68)
9. Member thi awm lohna bial awm zat - 50
10. Kristian Thalai Chanchinbu la tam Bial 3
1) Republic Veng - 1487
2) Venghnuai - 1189
3) Ramhlun North - 866
11. Innei zat - 3460
1) Biak In-a innei zat - 1541 (44.54%)
2) Hmun danga innei zat - 1919 (55.46%)
12. Bial hminga sum thawkchhuak tam Bial 3
1) Khatla (Rs. 8,44,290/-)
2) Dawrpui (Rs. 7,80,891/-)
3) Venghlui (Rs. 7,78,907/-)
13. Branch sum thawkchhuah tamna Bial 3
1) Dawrpui Vengthar (Rs. 89,67,710/-)
2) Tuikual (Rs. 74,44,066/-)
3) Champhai Vengthlang (Rs. 72,31,225/-)
14. Bial hminga missionary chawm zat - 525.5
15. Branch-in missionary a chawm zat - 4657.5
16. Bial leh Branch Missionary chawm zat belhkhawm - 5183
17. Missionary-a chhuak belhkhawm - 998
i) Missionary-a chhuak thar (Synod Mission Board hnuai) - 75
ii) Missionary-a chhuak thar (Synod Mission Board hnuai ni lo) - 48
18. Ram puma Thawhtan zan inkhawm chawhrual - 38188.86 (22.28%)
19. Member inkhawm thatna Bial 3-te :
1) Buarpui - 37.04%
2) Tawipui North II - 35.61%
-----------------------------------------------------------------------------------------------------------------------
March 2, 2024 (Inrinni) khan Ngopa Chhimveng Kohhran Biak Inah Rorel inkhawm neih a ni a, Rorel palai hi chhimtute nen an vaiin 1170 an ni.
Thurel tlangpui :
1. Youth Recreation Centre (YRC) pual Bial Budget siam chhunzawm leh tura rel a ni.
2. Chhawmdawlna, Youth Recreation Centre (YRC) leh Hospital Charity Fund pualin KTP tum khat inkhawm thawhlawm lakkhawm ni se, tih chu pawm a ni.
3. Thupui/inzirtirna chungchanga rawtna hrang hrang lut atangin ‘Aia upa zah chungchang inzirtirna neih ni se’ tih chu pawm a ni.
4. Ruihhlo do kawnga hma lak tha tih a ni a, Central KTP-in a tul anga lo bawhzui tura rel a ni.
5. Kum 2025-2026 chhungin KTP-in Kumpuan Thupui neih ni se, tih a ni a, kumpuan thupui atan hian ‘Zirna leh rawngbawlna’ (Thufingte 7:1) tih chu thlan a ni.
6. Kum 2024-2025 Budget atan Rs. 71,50,000/- chu pawm a ni.
7. Kum 2024-2025 Bial Budget atan Rs. 18,00,000/- pawm a ni bawk.
Heng bakah hian KTP General Conference neih loh kumah a remchan anga India ram khawpui KTP meet, CKTP huaihawtna hnuaia neih rawtna te, Chhim Bial KTP Meet hi KTP General Conference emaw, Rorel Inkhawm kaltlanga rel thin rawtna te, KTP General Conference Hla Bu, tlangzarh ruala duh khawp lei tur a awm theih nana hmalak rawtna leh KTP Mobile Application-ah hian CKTP atanga a thlawna thu zir turte dah thin rawtna lutte chu a tul dan a zira bawhzui mai theih a nih dan te inhrilhfiah a ni bawk.
KTP General Conference vawi 61-na (kum 2026) chu Saitual-ah nghah a ni ang a, kum 2028-ah Mamit-ah nghah a ni ang.
Kum 2024-2026 chhunga Central Kristian Thalai Pawl hruaitu tur te :
Leader : Rev. Rosiamliana Tochhawng (Synod ruat)
Asst. Leader : Lalruatfela, Chaltlang Bial
Gen. Secretary : Upa Lalmuanpuia (Synod ruat)
Asst. Secretary : C Lalkhawngaiha, Mission Vengthlang Bial
Treasurer : Rinsailova Sailo, Electric Veng Bial, Aizawl
Fin. Secretary : F. Lalremruata, Dawrpui Bial
Committee Members :
1. T. Upa TC Lalremsiama, Zuangtui
2. Rossie Lallawmawma, Mission Veng Bial
3. F. Lallianzuali, Zonuam Bial
4. T. Upa Lalthlanthanga, Armed Veng Bial
5. Lalrambuatsaiha,, Bethlehem Bial
6. K Vanlalremruata, Bawngkawn Bial
7. H. Zosangliana, Dawrpui Vengthar Bial
8. TC Lalhruaitluanga, Chhinga Veng Bial
9. David Lalfakawma, Luangmual Bial
10. Lalrinsanga Varte, Durtlang Bial
11. Upa C. Malsawmtluanga, Zemabawk Bial
12. David Lalruatfela, Republic Bial
13. Nicholas Lalbiakzuala, Tuikual Bial
14. Lalruatpuia, Kulikawn Bial
15. Lalduhawma Chhangte, Khatla Bial
16. Rochhingpua, Chanmari Bial
17. Lalremsiama Khiangte, Ramhlun North Bial
18. Vanlalremliana, Chanmari West Bial
19. T. Upa Lalbiakfela, Zemabawk North Bial
20. Agnes Lalrinzuali, Asst. Co-Ordinator (KTP)
Kristian Thalai Editor : PC Lalthanmawia, Vaivakawn Bial
Synod Choir Director : C Hmingthanzauva, Bungkawn Bial