KOHHRAN HMEICHHE ROREL INKHAWM VAWI 12-NA (UPDATED)

March 08, 2024 | NEWS

March 8-10, 2024 chhung hian Dawrpui Kohhran Biak Inah Rorel Inkhawm vawi 12-na neih a ni dawn a. Rorel Inkhawmah hian thupui 'Thih thlenga rinawm' (Thupuan 2:10) niin Speaker chu Rev. C. Zorammawia, Senior Executive Secretary a ni ang. 
 
March 8, 2024 (Zirtawpni) zanah Palai lawmna leh reports inkhawm neih a ni ang a, March 9, 2024 (Inrinni) nilengin Rorel a ni ang a, zanah vantlang Pathian Biak Inkhawm neih a ni ang. March 10, 2024 (Pathianni) chawhma, chawhnu leh zanah te vantlang Pathian Biak inkhawm neih chhunzawm a ni ang a, speaker hnen atangin thupui ngaihthlak a ni ang. 


 
Kohhran Hmeichhe inchhiarna hnuhnung bera a lan danin tun dinhmunah Kohhran Hmeichhe member 1,92,490 an awm a, member tam berna bial chu Champhai Vengthlang Bial niin member 2,992 an awm a, member tlem berna bial chu Buarpui bial niin member 38 an awm a ni.
 
Kohhran Hmeichhe Rorel inkhawma Pathian biak inkhawm zawng zawngte hi Mizoram Synod TV - Hruaina Eng channel bakah Mizoram Synod youtube channel - Synod Information-ah te live telecast a ni ang.
 
Kohhran Hmeichhe Inkhawm Vawi 10-na (2020) Programme Click Here
 
-----------------------------------------------------------------------

Kristian Chhungkaw dinhmun  (January - December 2023) tehnaah N.E. Khawdungsei Bial an sang ber a, Rev. V.L. Luaia Hranleh, Executive Secretary i/c Kohhran Hmeichhia-in No Mawi a hlan a ni. N.E. Khawdungsei hian tum 17 zet a sang ber nihna an chelh ta a ni. 

Kristian Chhungkaw dinhmun tehna hi kum 1970 atang khan neih tan a ni a, a sang ber hnenah Certificate leh Trophy hlan thin an ni. Kum 1970 hma lak kha chuan Buhfaithamah chauh intehna an siam thin a, a sang ber hnenah chawimawi nan Shield an pe thin a ni.

Bial Chanchin Report Khaikhawmna (January – December 2023)  :- 

1. Report lut zat Bial : 211
2. Kohhran mal anga min zawmtu : 5 (Kolkata, Delhi Mizo, Bangalore, Mumbai & Pune)
    Total : 216
3. Kohhran zat : 906
4. Branch Church zat : 81
    Total : 987
5. Presbyterian hlang chhungkaw zat : 1,15,661
6. Inawm pawlh chhungkaw zat : 4,561
7. Chhungkua zawng zawng zat : 1,20,222
8. Nitin chhung inkhawm nei zat : 85,348 = 70.99%
9. Buhfaitham tham ziah zat : 1,18,627 = 98.67%
10. Hmeichhe member zat : 1,97,562
11. Kum 2022 aia member punna : 5,072
12. Member tam berna Bial : Champhai Venglai Bial
13. Member zat : 2,998
14. Member tlem berna Bial : Buarpui Bial
15. Member zat : 30
16. Hmeichhe inkhawm nei thei vek Bial 193 an awm a, Bial 23 chhunga Kohhran/Branch Church 47 in inkhawm an la nei thei lo.
17. Kum 2023 chhunga buhfaitham hmuh zat belh khawm chu Kg. 1,41,72,364 a ni.

-----------------------------------------------------------------------

March 9, 2024 (Inrinni) khan Rorel Inkhawm neih a ni a, Rorel Inkhawmah hian palai 937 (Kohhran aiawh/Palai = 864, Central Commt. Member = 40, Ex-Officio = 3, Central KTP Palai = 2, Superintendent Hmangaihna In = 1, Superintendent Women Centre = 1, Hmeichhe Pathian thu zir chhuak Synod-a thawkte = 11,  Minister = 2, Upa = 1,  Chhimtu = 13) an kal a ni. 

Thurel tlangpuite :
1. Kum 2024 - 2025 Inkhawmpui Lian Budget atan hetiang hian pawm a ni. Central Budget : Rs. 16,00,000/-, Women Centre : Rs. 24,00,000/- Total : Rs. 40,00,000/-.
2. Kum 2025 Kohhran Hmeichhe Inkhawmpui Lian chu March 7-9, 2025 chhungin Thenzawlah nghah a ni ang a, kum 2026 Kohhran Hmeichhe Rorel Inkhawm chu Champhai Vengthlangah nghah a ni ang. Kum 2027 Kohhran Hmeichhe Inkhawmpui Lian chu North Vanlaiphaiah nghah a ni thung ang. 
2. Synod Hospital, Durtlang leh John Williams Hospital, Lunglei pualin Thawhlehni zan inkhawmah a hran ve vea thawhlawm lak khawm ni se, tih a ni.
3. Women Centre-a puanthui zir, kum 2024 batch-a mite atanga tanin an zir zawh hunah puanthui khawl pek thin ni se, tih a ni.

Rorel Inkhawm Pics Click Here



 

 

 

 

 
 
 

KOHHRAN HMEICHHE ROREL INKHAWM VAWI 12-NA (UPDATED)

March 08, 2024 | NEWS

CATEGORIES