April 10, 2024 (Nilaini) khan tun hnaia ruah leh thli avanga harsatna tawk Bilkhawthlir Hmarvenga chhungkaw 42, Tuithavenga chhungkaw 22 leh North Chawnpuia chhungkaw 4, an vaiin chhungkaw 68 te hnenah Rs.7,50,000/- pek a ni.
Harsatna tawkte tanpuina hlan tur hian Upa Vanlalsawma Siakeng, Synod Secretary (Jr.) leh Pu Lalmuanawma, Synod Office te an kal.
Tin, April 4, 2024 (Ningani) khan Zohmun leh Palsang khuaa tun hnaia thli leh rialin In a tihchhiat chu Mizoram Presbyterian Kohhran, Synod chuan tanpuina, Kohhran tih bik awm lovin Rs.36,50,000/- a pe tawh bawk a. Tanpuina pe hian Rev. C. Zorammawia, Senior Executive Secretary leh thawktu mi pathum an kal a ni.