KOHHRAN PAVALAI PAWL INTAWHKHAWM VAWI 6-NA
April 12, 2024 | NEWS
April 12-14, 2024 chhung hian Ram pum huap Kohhran Pavalai Pawl Intawhkhawm vawi-6 na chu East Lungdarah neih a ni ang. Nizan (April 11, 2024) khan pandal hlan inkhawm neih a ni a, mi 876 an inkhawm a ni.
Intawhkhawm thupui ‘A chhe lai siamthatu’ tih chu speaker, Rev. C. Zorammawia, Senior Executive Secretary-in Pathianni chawhma, chawhnu leh zan inkhawmah a sawi ang.
April 12, 2024 (Zirtawpni) zanah Synod Moderator Rev. R. Vanlalnghakan thuchah a sawi ang. April 13, 2024 (Inrinni) chawhmaah Rev. R.C. Lalnghakliana, Revival Director-in thuchah a sawi ang a, chawhnuah zaikhawmpui neih a ni ang a, zanah Rev. R. Lalnuntluanga, committee member-in thuchah a sawi ang. Intawhkhawm chhung hian inkhawm apiangin zaipawl a awm thin dawn a. Mizoram Synod Choir bakah Bial leh Kohhran hrang hrang Pavalai Zaipawl te an zai thin dawn a ni.
Ram pum huap Kohhran Pavalai Pawl Intawhkhawm vawi 6-na Pandal-a neih hi a tum khatna a ni a, Kohhran Pavalai Pawl hi Synod Revival Deptartment-in a enkawl a ni.
Pavalai Intawhkhawm neihna tur pandal hi February thla tawp lamah sa tanin engkim zawh fel thawkhat a nih hnuah, March 31, 2024 (Easter Sunday) chhuna thli tleh khan a nuai a, pandal hi a tlu sawp ta vek a. A tuk, Thawhtanni (April 1)-ah mi 700 chuang hnatlangin a tul anga singsak nghal niin ban phun thar lehnghalin tlar li lai phun hman a ni a. Pandal sak that lehnaah hian Bial chhung leh pawn lam atangin kohhran pawl pawh sawi lovin ni tin mi 200 bawr vel chu thahnemngai takin an hnatlang thin a, ni li chhung velin Pandal sak hna zualpui chu zawh fel hman a ni.
Kohhran Pavalai Pawl Intawhkhawm programme hi Hruaina Eng TV (LPS 15 & Zonet 12) leh Synod Information Youtube Channel-ah te Live-a pek chhuah tum a ni.
Kohhran Pavalai Pawl Intawhkhawm Vawi 6-na Programme Click Here
