July 15, 2016 khan Synod Worship Committee buatsaih “Residential Choir Conductors’ Training” vawi 21-na chu Pi Zaii Hall, Synod Conference Centre, Mission Vengah kharna inkhawm neih a ni.
Training kharna inkhawm hi Rev. B. Sangthanga, Executive Secretary i/c Worship in a kaihruai a, Upa F. Lalremthanga, Worship Coordinator-in Inhmelhriattirna hun a hmang a, Mizoram Synod Choir leh Nl. Ruthi V.L. Muanpuii, Dawrpui Vengthar ten Pathian fakna hla sa a, Synod Music School atangin Piano Solo ngiahthlak a ni bawk. Synod Secretary Upa H. Ronghakan fuihna thu sawiin certificate a hlan a, Pu H. Lalrinmawia, Music Instructor-in Training report a pe a, trainee aiawhin thusawi a awm bawk. Pu Lalromawia, Senior Music Instructor-in lawmthu sawina hun a hmang. Training hi July 12, 2016 atang khan neih tan a ni a, Pastor Bial hrang hrang (Chhiahtlang Kawn Veng, Darlung, East Phaileng, Khawhai North, Khawhai South, Kanghmun, Keitum, Kawrtethawveng, N.E. Khawdungsei, North Vanlaiphai, Phullen Vengthar, Ratu, Reiek, Sesawng, Teikhang, Tlungvel Vengthar, Thaidawr, Tawipui North II & Vairengte) atangin Kohhran tin aiawh sawm an ni a, mi 57 an lo tel thei a ni. Training neih chhung hian Music leh a kaihhnawih thil pawimawh hrang hrangte zirtir an ni.