CKTP
• April 18, 2024 (Ningani) khan Missionary Training College, 12th Graduation Service hmangin Nl. F. Lallianzuali, C/M leh Pu H. Zosangliana, C/M te an kal.
• Mizoram Christian College (MCC) ten CKTP hruaitute nen hun hman ho nise an tih angin April 18, 2024 (Ningani) zan khan 'A Day with CKTP' hun hman a ni a. Rev. Dr. Rosiamliana Tochhawng, Leader CKTP in thu sawiin zawhna leh chhanna hun te hman a ni a. Nl. R. Lalrinmawii leh Nl. H. Lalremruati ten zaia rawngbawlna an nei bawk. Nikum February 10 khan a Tum khatna atan 'A day with CKTP' programme hi hman a lo ni tawh a ni.
• April 19, 2024 (Zirtawpni) chawhnu khan CKTP hruaituten YRC sak mek enhona neiin hmalak tawhna hrang hrang an thlir ho. YRC Convention Centre hi February, 2025-a hawn hman tum a ni.
MSSU
April 20, 2024 (Inrinni) khan Khawbung Vengpui Bialah Sunday School zirtirtu training neihpuiin trainer-te, Upa K. Vanlalnghaka leh Upa Lalrinawma Ralte te an kal.
Social Front
April 20, 2024 (Inrinni) khan Khuangleng Kohhranah Synod Social Front programme, Ruihhlo leh Mipat Hmeichhiat hman khawlohna Seminar leh Campaign neih a ni a. Campaigner-te, Upa Peter Zohmingthanga leh Pu Alan Lalmuanpuia te an kal.
Finance
April 19, 2024 (Zirtawpni) zan khan Ramhlun North Kohhranah Account Training neih a ni a. Training neihpui hian Synod Finance Department atangin Upa F. Lalhmangaiha, Finance Manager; Pu Zaihmingthanga Fanai, Accountant; Upa Lalrosanga Kawlni leh Pu Lalhruaizela Ralte te an kal.
Worship
April 19, 2024 (Zirtawpni) khan Thuampui Kohhranah Zai hruai training neihpuiin Pu C. Zirlianthanga, Music Instructor a kal.
Kohhran Hmeichhia
April 23, 2024 (Thawhlehni) khan nilengin Armed Veng Kohhran Hmeichhiate chuan Leadership Training hun an hmang a, training hi Pi Lalfakmawii, Central Kohhran Hmeichhe General Secretary-in a neihpui a ni. Zan inkhawmah Pi Lalfakmawii hian Kristian Chhungkaw campaign nei zuiin thuchah a sawi bawk a ni.
Synod Mission Board
April 20-21, 2024 chhung khan New Diakkawn Kohhranah Ramthar campaign-in Rev. R. Lalhmingsanga, SMB Secretary chuan hun a hmang a, Pathian thuchah tum li a sawi. Board Secretary hi Rev. K.C. Vanlalduha leh Kolasib Area Masihi Sangati Choir-ten an tawiawm a ni.
Prison Ministry
• Khawmawi Kohhran chuan Synod Prison Ministry Sub Commtt kal tlangin District Jail, Lawngtlaia dah tur pulpit an hlan.
District Jail hrang hrangah Synod Prison Ministry hmingin, tun hnaiah hetiang hian thilpek hlan a ni.
• April 18, 2024 khan Synod Prison Ministry Sub Comtt, Lunglei chuan District Jail Biak In, Lungleiah thutthlengsei (Bench) 30 lai an hlan.
• Synod Prison Ministry chuan District Jail hrang hranga kohhranho hnênah hetiang hian thilpek Rs. 1,06, 680 hu man a hlan:
District Jail, Aizawl & Mamit - Havana, Combo Speaker.
District Jail, Chhiahtlang - Keyboard, Yamaha PSR 373.
District Jail, Siaha - Havana, Combo Speaker & Keyboard, Yamaha PSR 373
• District Hqtrs. khawpui chhunga Kohhran leh a hnuaia Fellowship hrang hrang - KTP, KPP & Hmeichhe Comtt pualin, 'Jail-a rawngbawl dan tûr' tih thupuia hmangin Seminar neih a ni a. March thlaah Siahaah neih a nih hnuin April 4, 2024 khan Mamitah seminar hi neih leh a ni. Inrinni zân leh Pathianni zânah te kohhran hrang hrangah Awareness Campaign, neih nghal a ni thin bawk.
