Nimin (June 27, 2017) chawhnu dar 1:00 khan Women Centre, Phunchawng-a puan thui zir Second Batch te thlahna hun hman a ni.
Nimin (June 27, 2017) chawhnu dar 1:00 khan Women Centre, Phunchawng-a puan thui zir Second Batch te thlahna hun hman a ni. Thlahna inkhawm hi Central Kohhran Hmeichhe Chairman Pi K. Lalliantluangin a kaihruai a, Central Kohhran Hmeichhe Secretary Pi H. Lalpianthangi hnen atangin thupuan ngaihthlak a ni. Zirlaite hnen atangin Zaipawl an zai a, Worship Dance an entir bawk. Nl. R. Lalrinpuii, Centre Superintendent hnen atangin report tawi ngaihthlak leh a ni a, a duh apiang tan thusawina hun hawn a ni bawk. Kohhran Hmeichhe changtu Executive Secretary Rev. P.C. Pachhunga hnen atangin fuihna thuchah ngaihthlak a ni a, zirlai chhuak turte hnenah Certificate a hlan bawk.
Tun tum (Second Batch) result tlangpui hetiang a ni :
O Grade - 12
A Grade - 14
B Grade - 7
Total - 33
Women Centre hi Mizoram Presbyterian Kohhran Hmeichhe din champha kum 100 tlinna (1904-2004) Centenary Project atan kum 2001 Synod Inkhawmpui-in a phalsak a ni a, August 12, 2015 khan hawn a ni. He Centre hi thlarau lama intuaitharna (retreat) neihna leh a huhova Pathian pawlna hmun atan te, mi harsate chhawm chhuah nan leh an dinhmun siamna atana thiam thil zirna leh an thlarau nun kaihhruaina hmun tur atan ruahman a ni. August 4, 2016 atangin puan thui (thla ruk course) tan a ni a, First batch-ah mi 37 in tha takin an zir chhuak a, tunah hian Second batch mi 33 in tha takin an zo leh a, July 4, 2017 hian Third Batch tur mi 40 te an lut ve leh ang a, Course hawn thar puan tah zir tur mi 10 (First Batch) te an lut bawk ang.