Vawiin (May 9, 2024) chawhma dar 10:00 khan J.M. Lloyd Hall-ah Synod Social Front Committee an thu a. Thut khawm vawi 198-na hi Rev. R. Vanlalnghaka, Synod Moderator-in a kaihruai a, Rev. V.L. Luaia Hranleh, Executive Secy i/c Social Front-in Secretary report a pe a ni.
Report-ah hian Awareness Campaign booklet chhut thar a nih thu te, NEICORD-in Trauma Healing Convening Meeting a buatsaiha Synod Social Front aiawha mi 15 an tel thu te, meeting leh meeting inkarah kohhran hrang hrang parukah Social Front campaign-a chhuah a nih thu te ngaihthlak a ni bawk.
Committee thut khawmah hian thu ngaihtuah tur eng emaw zat chhawp chhuah a ni a. Ram ngaw, nungcha leh tuihna humhalh chungchanga hmalak dan tur rawtna te, pian pun chungchanga hmalak dan tur ruahmanna te leh Mizo mipa thi rate san zel chhan zir chianna te chu thlir ho a ni a. Mizoram forest dinhmun ngaihtuaha hma lak chungchang te, SEC-in Synod Inkhawmpui thu Social Front bawhzui tura a dah chungchang te, Moral reforms leh Political education-a nasa lehzuala hma lak chungchang te leh thu pawimawh dangte ngaihtuah ho a ni bawk a ni.
Synod Social Front Committee hi kum khatah vawi hnih an thu thin a, November 5, 2024-ah an thu leh dawn a ni.
