Kohhran Hmeichhia
May 11-12, 2024 chhung khan Leadership Training leh Kristian Chhungkaw Campaign neiin Central Kohhran Hmeichhe hruaitute bial hrang hrang paliah rawngbawlin an kal chhuak a ni.
Kolasib Venglai Bialah Pi Lalchhingpuii leh Pi Lalthansangi te an kal a.
Kolasib Diakkawn Bialah Pi Lawmkimi leh Pi Saithuamluaii te an kal a.
Biate Bialah Pi Lamchhingi, Pi Lalthanzauvi leh Pi Lalengzami te an kal a.
Thingsulthliah Bialah Pi Lalthanzami leh Pi Lalrinawmi te an kal.
Kristian Thalai Pawl
May 10-11, 2024 chhung khan Central Kristian Ṭhalai Pawl Committee (2024-2026) ten Aizawl Theological College-ah Orientation cum Retreat an hmang. Hemi hunah hian Rev. Dr. K. Lallawmzuala, Executive Secretary; Rev. R. Vanlaltluanga, ATC; Rev. Dr. Rosiamliana Tochhawng, CKTP Leader leh Upa Rochungnunga, GS kal chhuak te hnen aṭangin thuchah ṭha tak tak te, CKṬP Kalphung leh Sermon inbuatsaih dan te zirin an ngaithla a, sharing leh zawhna leh chhanna hun te an hmang bawk a ni.
Campus Ministry
May 8-9, 2024 chhung khan Kolasib khaw chhunga school hrang hrang paliah Synod Campus Ministry rawngbawlna neih a ni a. Campus Ministry atang hian Rev. H.L. Thianghlima, Director; Tv. Lalrinchhana, Counsellor leh Upa Lalnunsiama Khalthang, Resource Person te an kal a. School pali - Hmar Veng High School, Govt. Middle School, H.T. High School leh Govt. Tumpui Middle School-ah te hun tha tak an hmang thei a ni.
May 13, 2024 (Thawhtanni) khan Govt. High School, Sihphirah morning devotion hmangpuiin Counsellor, Tv. Lalrinchhana a kal a. Pathian thu bakah zirlaite fuihna thu a sawi a ni.
Trust
May 11, 2024 khan Rev. C. Zorammawia, Senior Exe. Secy leh Pu Lalhriatrenga, JE te chu Bawngthahah Kohhran sawhnghehna grant an dawn atanga Biakin vestry leh committee room sak an tum enpuiin an kal.
Prison Ministry
May 12, 2024 khan Aizawl District Jail-ah inkhawm rawngbawlna neih a ni a, hun hlimawm tak an hmang. Chawhma lamah Pu R.D. Lalfakawma, SMB Missionary-in thu a sawi a, Nl. Lalremruatin zaia rawngbawlna a nei thung a. Chawhnu lamah Praise & Worship hun hman a ni a. Worship Leader, Pu Josef Lalawmpuia, Khatla East a ni a. Nl. Christina Vanlalnghaki leh Khatla East Male Voice an zai bawk a ni.
Social Front
May 12, 2024 (Pathianni) chawhnu leh zan khan Chanmari West Kohhranah Synod Social Front Campaign neih a ni a. Campaign neihpui hian Upa H. Lalhmingmawia, Co-ordinator leh Rev. Lalrinmawia, Exe. Committee member te an kal a ni.
Worship
May 10, 2024 (Zirtawpni) nileng khan Marpara North Kohhranah Worship Seminar neih a ni a. He seminar-ah hian Kohhran Committee, Kohhran Hmeichhe Committee, KTP Committee, KPP Committee leh Sunday School zirtirtute, an vaiin mi 31 an tel thei a ni. Seminar hmanpui hian Synod Worship Committee member pahnih, Rev. F. Lalhmingthanga leh Rev. T.C. Laltlanzova te an kal a ni.
