May 15-16, 2024 chhung hian Synod Finance Committee vawi 149-na an thu khawm a. Meeting hi Rev. R. Vanlalnghaka, Moderator-in a kaihruai a, hming lam a nih hnuah Rev. V.L. Luaia Hranleh, Secretary/Finance Officer hnen atangin report ngaihthlak zui a ni. Tun tum thut khawmah hian member 51 an tel thei a ni.
Secretary report-ah hian Synod Office leh Department hrang hrang leh Mission Field-te Audit tluang taka zawh fel a nih thu te, kum 2023-2024 chhunga Synod sum hmuh dan leh Bial leh Kohhran thawhlawm thawh dan a bua siam chu thawn chhuah a nih thu te, Income Tax buaipuitu Sub-committee hmalakna hrang hrang te ngaihthlak a ni.
Finance Officers' Report ngaihthlak zui a ni a.
(1) Kum 2023-2024 tangka kum chhunga Synod sum hmuh khaikhawmna hetiang hi a ni.
Hmuh tum (2023-2024 Budget)
Pastoral - Rs.1,99,12,17,000
Ramthar - Rs.1,54,50,97,000
A vaiin - Rs.3,53,63,14,000
Hmuh zat (Actual receipt)
Pastoral - Rs.2,21,49,26,750
Ramthar - Rs.1,73,58,47,903
A vaiin - Rs.3,95,07,74,653
Budget Khumna
Pastoral - Rs.22,37,09,750
Ramthar - Rs.19,07,50,903
A vaiin - Rs.41,44,60,653
Kum hmasa nena khaikhinna
2022-2023 chhunga hmuh - Rs.3,72,72,76,408
2023-2024 chhunga hmuh - Rs.3,95,07,74,653
Kum hmasa Khumna - Rs.22,34,98,245
(2) Bial zawng zawng thawhlawm thawh belh khawm hi Rs.3,69,67,61,527 a ni a. Presbytery wise-a a thawh tam pathumte chu -
(a) Aizawl Bethel Presbytery - Rs.43,70,13,328 (Bial pasarih an awm)
(b) Aizawl Central Presbytery - Rs.35,43,10,311 (Bial panga an awm)
(c) Aizawl East Presbytery - Rs.31,22,32,543 (Bial paruk an awm)
May thla Finance Committee thut khawmah hian thu ngaihtuah tur eng emaw zat chhawp chhuah a ni a. Department leh Committee thenkhat atangin pawisa hman phal dilna te, Budget Head siam rem dilna te, bungraw lei dilna te ngaihtuah a ni a. Nursing College tana Synod hminga IT Grant, NECTAR-a dil chungchang te, Synod sum Internal Audit kalphung en that chungchang te, Synod Reserved Fund dah chungchang te, Mission Reserved Fund dah chungchang te ngaihtuah a nih bakah Statement of Accounts leh Audit Report te thlir ho a ni bawk.
For more pics Click Here