May 16-19, 2024 chhung hian India hmarchhaka Christian pawl hrang hrang inzawmkhawm NEICC (North East India Christian Council) Biennial Assembly vawi 4-na chu Jalukie Baptist Church, Nagaland-ah neih mek a ni.
Mizoram Synod atangin palai mi 30 an kal a, Mizoram Synod aiawhte hi Leader, Rev. Dr. F. Pachhunga, Luangmual Bialtu Pastor hovin an kal a ni. Palai te hi Pastor, Kohhran Upa, Central KTP leh Central Kohhran Hmeichhe aiawh an ni a, Mizoram Synod Choir te pawhin zaia rawngbawlna an nei dawn a ni.
NEICC hi kum 1937 khan Assam Christian Council tiin din a ni a, kum 1962 khan NEICC tih a ni ta a ni, tunah hian member Kohhran 37 leh pawl 18 an tel mek a ni.