Social Front :
• May ni 19, 2024 (Pathianni) chawhnu dar 2:00 khan Mission Veng Kohhran Tleirawl Inkhawmah Ruihhlo leh a that lohna chungchangah Awareness campaign neih a ni a. Synod Social Front atangin Resource person Nl. H. Lalhundiki, Counsellor, Synod Rescue Home a kal.
• April 29, 2024 (Thawhtanni) zan khan Mission Veng Branch KTP inkhawmah "Tunlai khawvela thalaite mamawh" tih thupui hmangin Awareness campaign buatsaih a ni bawk a. Campaign neihpui hian Synod Social Front atangin Nl. Esther Lalkhawngaihdawngkimi, Counsellor, FG&CC Aizawl a kal thung a ni.
• May ni 20, 2024 (Thawhtanni) zan khan Champhai Vengsang Bial KTP programme chuan 'Fa neih tam inzirtirna campaign' an buatsaih a. He campaign hmanpui hian Synod Social Front aiawhin Rev. Lalbiaksanga Pachuau, Khawzawl FG&CC Counsellor a kal a ni.
Kohhran Hmeichhia :
May 18, 2024 (Inrinni) nileng khan Salem Mualpui Kohhranah Leadership Training neih a ni a. Training neihpui hian Central Kohhran Hmeichhia atangin Pi Sailuti, Ex-Chairman leh Pi Pi H. Lalbiakveli te an kal a. Salem Mualpui Kohhran Hmeichhia hian Leadership Training an neih vawi khatna a ni a, member 34 lai an kal thei a ni.
Prison Ministry :
May 19, 2024 (Pathianni) khan KTP, Armed Veng East Branch chuan District Jail-ah rawngbawlna hun an nei a. Inkhawm hi Pu K. Lalruatfela, Branch Leader-in a kaihruai a, Pu P. S. Lalpianpuia, Asst. Leader-in thu a sawi a. Nl. Lucy Lalremruati leh Prison inmate lam atangin solo ngaihthlak a ni. Inmate-te atangin sharing ngaihthlak a ni bawk.
Armed Veng East KTP hian kum 2023 atang khan District Jail-a tang mekte tan Kristian Thalai Chanchinbu an laksak mek a ni.
MSSU :
• May 17, 2024 (Zirtawpni) khan Sunday School zirtirtu training neihpuiin Durtlang Kohhranah trainer-te, Upa C. Lalbiaksanga leh Upa Lalliantluanga te an kal.
• May 18, 2024 (Inrinni) khan Sunday School zirtirtu training neihpuiin trainer-te hetiang hian an chhuak :
Nursery Venglai Kohhran - Upa K. Vanlalnghaka, Upa Zionparlawma leh T. Upa H. P. Lalropuia; Tuikhuahtlang Kohhran - Upa Lalthanchhunga
Campus Ministry :
May 17, 2024 (Zirtawpni) khan Apollo School of Nursing, Luangmualah morning devotion hmangpuiin Tv. Lalrinchhana, Counsellor a kal.
Apollo School of Nursing-ah hian kar tin, Zirtawpni apiangin Devotion hmanpuiin Campus Ministry atang hian an kal thin a ni.
Trust :
May 20, 2024 (Thawhtanni) khan Kanhmun Pastor Qtrs. sak mek enpui leh Garage sak tur enpuiin Pu Lalhriatrenga, JE a kal a, Manikbond Pastor Qtrs Renovate tur a en tel nghal bawk a ni.
Kristian Thalai Pawl :
• May 16-19, 2024 chhunga Jalukie Baptist Church, Nagaland-a North East India Christian council(NEICC) Biennial Assembly neih zawh takah khan CKṬP aiawhin Rev. Dr. Rosiamliana Tochhawng, Leader, Pu T.C. Lalhruaitluanga C/M leh T. Upa Lalbiakfela C/M te an palai a. Anni bakah hian Pu Rossi Lallawmawma C/M (President NEICCYA) a kal bawk. Mizoram Synod Choir te pawhin zaia rawngbawlna an nei a ni.
• May 14, 2024 (Thawhlehni) khan Kristian Ṭhalai Pawl, Ṭhuampui Pastor Bial-in YRC Ṭawngṭaina Intê sakna tur ₹ 70,000 chu Central KTP Office-ah an pe.
• May 16, 2024 (Ningani) khan Kristian Ṭhalai Pawl, Khawlailung Dinthar Bial-in YRC-a a ṭul apianga hman atan ₹ 5,000 an pe bawk.
• May 18, 2024 (Inrinni) khan Kristian Ṭhalai Pawl, Chhinga Veng Branch-in YRC-a hman tur dawhkan pahnih an pe.
Thilpek petute chungah Central KTP an lawm hle a ni.