MASIHI SANGATI THAWKTUTE INTUAITHARNA 2024
May 24, 2024 | NEWS
May 24-26, 2024 chhung hian College Veng Kohhran Biak Inah Synod Mission Board buatsaihin Masihi Sangati hnuaia thawktute tan intuaitharna hun hman a ni dawn a, Resource Person-te, Rev. Dr. Vanlalbela leh Nl. Shalom Vanlalmawii ten thupui thlan bik hmangin zirtirna an pe ang.
May 24, 2024 (Zirtawpni) zanah thupui zir inkhawm neih a ni ang a, a tuk Inrinni (May 25, 2024) nilengin thupui zir inkhawm neih leh a ni ang a, zanah vantlang Pathian Biak inkhawm neih a ni ang a, Rev. H. Laltlantlanga, Synod Statistician-in thuchah a sawi ang.
May 26, 2024 (Pathianni) chawhma, chawhnu leh zanah te vantlang Pathian Biak inkhawm a awm ang a, chawhmaah Rev. Dr. K. Lallawmzuala, Executive Secretary i/c Mission-in thuchah a sawi ang a, chawhnuah Rev. R. Lalhmingsanga, Mission Board Secretary-in thuchah a sawi ang a, zanah Rev. R. Lalrinsanga, Masihi Sangati Kendra Director-in thuchah a sawi ang.
He hun hmang tur hian Mizoram chhung hmun hrang hrang leh Shillong atangin thawktute an kal khawm dawn a, Masihi Sangati hnuaiah hian thawktu mi 214 an awm mek a ni.
