Kristian Thalai Pawl
May 23, 2024 (Ningani) khan Kristian Ṭhalai Pawl, Chawlhhmun Pastor Bial member-te chu YRC-ah an hnatlang a. YRC hmunhma an sam fai bakah Ṭawngṭaina In tê sakna tur an lai bawk a ni.
May 25, 2024 (Inrinni) khan Kristian Ṭhalai Pawl, Venghnuai Pastor Bial member-te pawh YRC-ah an hnatlang a. Ṭawngṭaina Intê sakna tur an laih bakah a hmunhma te an sâm fai ve bawk a ni.
May 24, 2024 (Zirtawpni) khan Kristian Ṭhalai Pawl, Republic Veng Branch Diamond Jubilee hmanpuiin T. Upa T.C. Lalremsiama C/M leh Tv. David Lalfakawma C/M te an kal.
May 24, 2024 (Zirtawpni) khan Kristian Ṭhalai Pawl Tipa Bial Leadership Training, Tipa Kohhran Biak Ina neih hmanpuiin Tv. P.C. Lalthanmawia, C/M leh Pu T.C. Lalhruaitluanga, C/M te an kal.
Synod Prison Ministry
May 25&26, 2024 chhung khan Rev Lalhmuchhuaka, Director, Synod Prison Ministry hovin, Pu C. Lalchhanchhuaha, Counsellor, Tv Lalthansanga Sailo, Counsellor leh Tv Lalrempuia, Speaker, Saltang Chhuahtu Team te chu Champhaiah rawngbawlin an kal.
May 25, 2024 (Inrinni) nilengin Champhai Vengthlang leh Kanan Pastor Bial huapin, Champhai Vengthlang Kohhran Hall-ah: Jail-a rawngbawl dan tur tih thupui hmangin Seminar neih a ni a. Seminar-ah hian mi 280 vêl an kal a ni. Zânah Champhai Kanan Pastor Bialah Prison Ministry Awareness campaign-a hun hman zui a ni bawk.
May 26, 2024 (Pathianni) nilengin Rev. Lalhmuchhuaka, Director, Prison Ministry-in Champhai District Jail-a Mipa awmna leh hmeichhe awmnaah hun a hmang a. Soloist Tv C. Lalremruata, Champhai Zotlang leh PC Malsawmtluangi ten zaiin rawng an bawl a. SPM Sub Committee, hruaituten nilengin an ṭawiawm bawk a ni. District Jail, Champhai-ah tang 190 (mipa-158, hmeichhia-28 leh nausen 4) an awm mek a ni. District Jail Library-a dah tur Pu Rosanga Rokhum, Ramhlun Venglaiin lehkhabu chi hrang hrang 300 vêl lai, Synod Prison Ministry kal tlanga a pêk chu hlan a ni. Zânah Champhai Vengthlang Pastor Bialah Prison Ministry Awareness Campaign hman zui a ni bawk.
Social Front
May 26, 2024 (Pathianni) chawhnu khan Mission Veng Kohhran Naupang inkhawmah Synod Social Front Campaign hun hman a ni a. Thupui “Ruihhlo tel lovin nun a hlim zawk” tih chu Campaigner, Nl. Lallawmzuali, Counsellor, Synod Rescue Home-in a sawi.
May 26, 2024 (Pathianni) zan khan Salem Veng Kohhran, Aizawlah Synod Social Front campaign neih a ni a. Campaign thupui “Ruihhlo leh mipat hmeichhiatna hman khawloh chungchang” chu Social Front Campaigner, Dr. Robert S. Halliday-in a sawi.
Kohhran Hmeichhia
May 25&26, 2024 chhung khan Thenzawl Field Veng Bialah Bial huap Kohhran Hmeichhe Leadership Training leh Kristian Chhungkaw Campaign hun hman a ni a. Inrinni nilengin Leadership Training neih a ni a, Inrinni zan atanga Pathianni zan thlengin Kristian Chhungkaw Campaign programme hman zui a ni. He hun hmanpui hian Central Kohhran Hmeichhe hruaitute - Dr. Lalthansangi Fanai, Vice Chairman; Pi Lalramthangi, CM leh Pi Lalbiakthangi CM te an kal.
May 23, 2024 (Ningani) khan Himali Bialah Bial Kohhran hmeichhiate Leadership Training neihpuiin Pi R. Lalrempuii, Fin. Secy leh Pi Laltlanthangi, CM te an kal.
May 25, 2024 (Inrinni) khan Khatla North Kohhran Hmeichhiate chuan Silver Jubilee an lawm a. He hun hmanpui hian Central Kohhran Hmeichhe hruaitute mi 12 an kal a. Inkhawmpui Lian Chairman, Pi Zothanparin lawmpuina thu a sawi a, Memento an hlan bawk.
Worship
May 23, 2024 (Ningani) khan Kawrtethawveng bialah Zai hruai training neihpuiin Pu H. Lalrinmawia, Senior Instructor leh Tv. B.C. Lalrintluanga, Keyboardist te an kal.
May 25, 2024 (Inrinni) khan Chawnpui Bialah Worship Seminar neih a ni a. Rev. Dr. K. Lallawmzuala, Executive Secretary leh Rev. F. Lalhmingthanga, committee member te an kal.
May ni 28, 2024 (Thawhlehni) khan Bungtlang South Bial KTP Solfa leh Khuang vuak training neihpuiin Pu Benjamin Sailo, Music Instructor leh Tv. Bernard Vanlalmuanpuia, Keyboardist te an kal.
SL&PB
May ni 25-26, 2024 chhung khan Khuangleng Bialah Bial pum huap Literature Seminar neih a ni a. Seminar neihpui hian SL&PB Office atangin, Rev. Lalbiaknia, Editor; Pi Rinsailovi, Asst. Editor; Pu Eric Lalnunmawia, O/A leh Tv. Laldinpuia, O/A te an kal a. Inrinni zan atanga Pathianni zan thlengin bial chhung hmun hrang hrangah Literature Campaign an nei nghal bawk.
MSSU
May ni 25, 2024 (Inrinni) khan Sunday School zirtirtu training neihpuiin MSSU Trainer-te hetiang hian an chhuak :
Electric Veng Kohhranah - Upa Lalthanchhunga, Upa Zohmangaiha leh Upa Saihmingthanga Sailo
Khuangleng Bialah - Upa K. Zoremsanga leh Upa John Lalnunthara
