Nimin (Sept. 28, 2016) khan Conference Hall, Synod Office, Lungleiah Presbyterian Kohhran Chhim biala Committee sang ber, Chhim Committee neih a ni.
Synod Moderator Rev. H. Lalrinmawia’n Committee hi a kaihruai a, Rev. RC. Lalnghakliana, Administrative Secretary, Chhim Bial chu ziaktu a ni. He Committee-ah hi Aizawl lam atangin Moderator bakah Mizoram Synod Secretary Upa H. Ronghaka, Rev. Lalramliana Pachuau, Senior Executive Secretary, SMB Secretary Rev. K. Lalrinmawia leh Rev. Lalchhuanmawia, Bungkawn te an lo kal a. Lunglei East Presbytery, Lunglei West Presbytery, Chhimtuipui Presbytery, Chhim tawp Presbytery aiawh palai pahnih theuh bakah Pu Albert Lalhmangaiha, Area Promoter, Synod Office, Lunglei te an ni. Thurel tam tak zingah Chhim Bial enkawlna dan enthat te, SMB hmalakna hnuaia Music & Literature chak zawka kalpui rawtna te, Home Mission Sunday School Zirlaibu leh Nilai Thupui Bu Chakma tawnga lehlin rawtna leh Holy Bible Chakma tawnga neih dan kawng zawn thu te chu SEC-a thlen tura rawt a ni a. Aizawla Chakma Fellowship din rawtna te, SHMS Bungtlang South zir chian rawtna leh SHMS Tlabung-a Hostel dah chungchangte leh zirchian rawtna te, SHMS Khawmawi English Medium-a leh rawtna te, SHMS Kawrthindeng Middle School Upgrade rawtna te chu Synod Mission Board-a thlen tum a ni bawk a. Chhim Bial pumpuia pawisa hman tur Additional leh Home Mission South leh Pastoral-a pawisa hman tur chi hrang hrangte chu Synod Finance Committee-ah leh Synod Mission Board-a thlen turin pawm a ni bawk.