Synod Prison Ministry
June 2, 2024 (Pathianni) khan Central Jail, Aizawlah Prison Ministry programme hman a ni a. Mipa inkhawmnaah chawhmaah Rev. Zothansangan thu sawiin Nl. Lalbiakzuali, Electric Veng-in fakna hla a sa a, chawhnu inkhawmah Rev. Remlalfakan thu sawiin Tv. C. Lalremruata a zai bawk a ni.

Central Jail Masihi Sangati lamah pawh Nursery Kohhran Masihi Sangati Fellowship-in rawngbawlna hun an hmang a. Chawhma inkhawmah Pu C. Lalchhanhiman thu a sawi a, chawhnu inkhawmah Praise & Worship hun hman a ni.

Central Women's Jail-ah chawhma inkhawmah Rev. Remlalfakan thu a sawi a, chawhnu inkhawmah Rev. Zothansangan thu a sawi ve thung a ni.

Central Jail-a tang mek, a mamawh apiangte hnenah Bible leh Bible tract chi hrang pali BSI hmingin Rev. Remlalfaka, BSI Auxiliary Secretary-in a hlan a ni.

Aizawl khawpui pawna District Jail zawng zawngah pawh Synod Prison Ministry ruahman angin chawhnu lamah inkhawmpui vek a ni bawk.

MSSU
May 31, 2024 (Zirtawpni) zan khan Bethlehem Kohhranah Sunday School zirtirtu training neihpuiin Upa B. Lalhmunliana, trainer a kal.

June 1, 2024 (Inrinni) khan Sesawng Bialah Sunday School zirtirtu training neihpuiin trainer-te, Upa Hrilthansanga, Upa Lalchuailova leh Upa Isak Zarzoliana Chhangte te an kal bawk.

SL&PB
June 1, 2024 (Inrinni) khan Thingsulthliah Bialah Literature Seminar leh Campaign neiin Rev. Lalbiaknia, Editor; Pi Rinsailovi, Asst. Editor; Rev. C. Sangliana, BEC leh Upa R. Lallianzuala, Chanmari te an kal.

Kristian Thalai Pawl
June 3, 2024 (Thawhtanni) khan Falkawn Hmar Veng Branch KTP Leadership Training hmanpuiin Tv. Rinsailova Sailo, Treasurer leh Pu T.C. Lalhruaitluanga C/M member te an kal. Zan inkhawmah thusawina hun an nei bawk.