May 31, 2024 (Zirtawpni) khan Synod Lay Workers Fellowship Annual Meeting (Lay Day) vawi 48-na chu Synod Hospital, Durtlangah hman a ni a, member 645 chuang an kal khawm thei a ni.

Lay Day hi hun hniha then a ni a, chawhma lamah hun urhsun hman a ni. Upa Thangliankhuma, Vice Chairman, SLWF-in a kaihruai a, Secretary leh Treasurer report ngaihthlak a ni. Rev. R. Vanlalnghaka, Synod Moderator-in Lay Day Address a sawi a. Lay Day thupui ‘Rawngbawlna leh Tunlai khawvel’ tih chu Upa R. Lalmalsawman a sawi thung. SLWF Chairman-in SLWF hruaitu tharte Pathian hnenah a hlan a. Zaithiam Nl. Zoramchhanin hla pahnih nung takin a sa bawk. 

Chawhnu programme hi Multipurpose Hall, College of Nursing, Synod Hospital-ah hman a ni a, Upa Vanlalrawna Khiangte, Finance Secretary, SLWF-in inkhawm a kaihruai a, member pension-a chhuak mi 23 hnenah ngaihhruina thilpek hlan a ni. Variety programme hman a ni a, tlaiah zanriah kil ho a ni bawk.

Synod Lay Workers Fellowship (SLWF) hi Synod hnuaia thawktu Aizawl-a awm, Pastor ni lo zawngte intel khawmna a ni a, kum tin May thla Zirtawpni hnuhnung berah Lay Day an hmang thin a, tun dinhmunah Synod Lay Workers Fellowship-ah hian member 1000 an awm mek a ni.

Kum 2024 Lay Day denchhen hian Synod Lay Workers' Fellowship chuan Synod Hospital Charity Fund atan Rs. 1,70,500 an thawh khawm a, Lay Day hian Hospital Director, Dr. Lalthakima hnenah Upa H. Ronghaka, Chairman-in a hlan nghal a ni.

Kum 2024-2026 chhunga SLWF Puipa turte -
Chairman - Upa C. Lalduhawma, SHSS
Vice Chairman - Dr. Vanlalchama, Synod Hospital
Secretary - Pu John Lalhruaitluanga, Synod Office
Asst. Secretary - Upa F. Lalfakzuala, Prescom
Treasurer - Pi H. Lalsangliani, P.C. Girls
Finance. Secretary - Upa Rochungnunga, Synod Office