Department Activities - June 12, 2024
June 12, 2024 | DEPARTMENT ACTIVITIES
Social Front
June 8-9, 2024 chhung khan Vanzau Bial chhunga kohhran hrang hrangah Synod Social Front campaign neih a ni a. Kohhran tinah HIV AIDS leh Moral Reform Awareness Campaign hun hman a ni.
Pu Alan Lalmuanpuia, Campaigner-in June 8, 2024 (Inrinni) zanah Leithum Kohhranah hun a hmang a. June 9, 2024 (Pathianni) chawhmaah Zawngtetui Kohhranah kalin chawhnuah Bungzung Kohhranah a kal a. Pathianni zanah Vanzau Kohhranah hun a hmang thung a ni.
Nl. Lalchhuanzuali, Campaigner-in June 8, 2024 (Inrinni) zanah Vanzau Kohhranah hun hmangin Pathianni chawhmaah Bungzung Kohhranah a kal a. Pathianni chawhnuah Zawngtetui Kohhranah hun a hmang a, zanah Leithum Kohhranah hun a hmang a ni.
MSSU
June 8, 2024 (Inrinni) khan Sunday School zirtirtu training neihpuiin Bilkhawthlir Bialah MSSU Trainer-te, Upa K. Vanlalnghaka, Upa R. Vanlalhruaia leh Upa C. Lalnunzira te an kal a. Inrinni nilengin Zirtirtu Training neih a ni a, Inrinni zan atanga Pathianni nilengin Bial chhung Kohhran hrang hrangah training bawhzuina leh Fanau enkawl dan thuchah te sawiin hun an hmang zui a ni.
Synod Literature & Publication Board (SL&PB)
June 8-9, 2024 chhung khan Rabung Bialah Literature Seminar leh Campaign neiin Rev. Lalbiaknia, Editor; Pu Zohmingliana Colney, Joint Editor leh Pi Rallianthangi, O/A te an kal a. Bial chhung kohhran hrang hrangah campaign hi neih a ni.
June 8, 2024 khan Mamit Dinthar Branch KTP te Literature Seminar neihpuiin Pu Eric Lalnunmawia, O/A leh Tv. Laldinpuia, OA te an kal ve bawk.
Kohhran Hmeichhia
June 8-9, 2024 chhung khan Leadership Training leh Kristian Chhungkaw Campaign neiin Central Kohhran Hmeichhe hruaitute an chhuak a. Kawrtethawveng Bialah Pi Lalnunhlimi, Pi Vanlalthlamuani leh Pi V. Siamhnuni an kal a. Khawlailung Dinthar Bialah Pi R. Tlanghmingthangi, Pi J.C. Ronghaki leh Pi C. Thanthiangi te an kal thung a ni.
June 8, 2024 (Inrinni) nilengin Leadership Training hun hman a nih hnuin Inrinni zan leh Pathianni nilengin Bial chhung kohhran hrang hrangah Kristian Chhungkaw Campaign hman zui a ni.
Prison Ministry
June 7, 2024 (Zirtawpni) khan ITI Vengchhak Kohhran Hall-ah Synod Prison Ministry buatsaihin 'Jail tâng chhuak Follow-Up vawi 3-na' programme hman a ni a. Hetah hian ITI Vengchhak leh ITI Kohhran Committee bakah Kohhran Hmeichhia, KṬP leh KPP Committee member-te nen hun hman a ni a. Jail tang chhuak mi 20 te nen mi 130 vel lai an kal khawm a ni. He programme hi Rev. Lalhmuchhuaka, Prison Ministry Director-in a kaihruai a. Chawhma lamah Jail tang chhuakte leh Synod Prison Ministry te inkawm ho a ni a, hun hlimawm leh hlawk taka hman a ni. Chawhnu lamah Jail tang chhuak mi panga hnen atangin testimony ngaihnawm tak ngaihthlak a ni a. Praise group te nen hlim taka zai hoin hun hman zui a ni.
June 8. 2024 (Pathianni) khan ITI Vengchhak Kohhranah Prion Mnistry Awareness Campaign neih zui a ni a. Rev. Dr. K. Lallawmzuala, Exe. Secy i/c Prison-in thu a sawi.
June 8, 2024 (Pathianni) khan District Jail, Aizawl-ah One Day Crusade neiin, Salim Zothanpuia, Speaker, Krista Dampuitute Team-in thu a sawi.
Kristian Thalai Pawl
June 10, 2024 (Thawhṭanni) zan khan Kristian Ṭhalai Pawl, Model Veng Branch Silver Jubilee hmanpuiin CKṬP Committee member thenkhat an kal a. Hemi hunah hian Upa Lalmuanpuia, GS-in greetings sawiin Rev. Dr. Rosiamliana Tochhawng-in thuchah a sawi a, Pu Lalrambuatsaiha C/M in thilpek a hlan a ni.
June 11, 2024 (Thawhlehni) khan Ruihhlo do tura CYMA kaihhruainaa Kohhran Ṭhalai Pawl hrang hrang Coordination Committee inhmuhkhawmnaah CKṬP aiawhin Pu F. Lalremruata, Fin. Secy. leh Pu David Lalruatfela, C/M te an tel.
