RUALBANLOTE NI 2024
June 14, 2024 | NEWS
June 16, 2024 (Pathianni) hi Presbyterian Kohhran chuan Rualbanlote Ni atan a hmang dawn a, thupui pakhat inang tlang zir turin ruahmanna siam a ni. Rualbanlote Ni hi June thla Pathianni vawi thumnaah hman thin a ni.
Kum 1996 Synod Inkhawmpuiin Rualbanlote Ni hman tura a rel chu Synod Executive Committee-in a bawhzui a, June Pathianni vawi thumnaa hman turin a rel a. Kum 1998 atangin Nilai leh Beihrual Thupui Bu-ah telh a lo ni ta a. Lal Isua rawngbawlna chhunzawma rualbanlote kan ngaihsak zel theih nan Kohhranin he hun hi hman thin a ni.
Thupui : Isua hmangaihtu chuan rualbanlote a hmangaih
Bible chhiar tur : Matthaia 15:29-31
