June 17-19, 2024 chhungin ECM KNP aiawh mi pariat chuan NEICC-WA Unit intlawh tawn programme-ah Presbyterian Kohhran Hmeichhiate an rawn tlawh mek a. 

June 18 (Thawhlehni) khan Women Centre, Synod Hospital, Hmangaihna In leh Aizawl Theological College te fanpui an ni. June 19 (Nilaini) chawhma lamah Synod Office leh Synod Press te tlawhpui an ni bawk a. Chumi hnuah Central Kohhran Hmeichhe Office Bearer-te nen Synod office-ah inkawmna hun buatsaih a ni bawk.

June 18 (Thawhlehni) zanah Khatla Kohhran Biak Inah Inter Unit Visit inkhawm buatsaih a ni a, Central Committee member-te bakah Khatla Bial chhunga Kohhran hmeichhiaten biak in kharin he hun hi an hmanpui a ni. He inkhawm hi Pi Zothanpari, Hmeichhe Inkhawmpui Lian Chairman-in a kaihruai a, ECM lam leh Kohhran Hmeichhe General Secretary hnen atangin report ngaihthlak a ni a. Central Hmeichhe Committee leh Khatla Bial Hmeichhiaten thilpek hlanna hun an a. ECM Nu Pawl lam atangin thuchah tawi ngaihthlak a ni. Khatla East Kohhran Hmeichhia leh ECM Nu Pawl lam atangin Special number ngaihthlak a nih bakah Khatla South Kohhran Hmeichhe zaipawl an zai bawk a ni.

May 26-28, 2023-a neih, NEICC-WA Biennial Assembly vawi 14-na khan North East India Christian Council - Women Assembly hnuaia unit-te intlawh tawn ni se tiin a rel a. Headquarters lam atangin mahni state huam chhunga Kohhran Hmeichhiate intlawh turin ruahmanna an siam a. Presbyterian Kohhran Hmeichhiate  tlawh turin Evangelical Church of Maraland (ECM) Krizypah No Py (KNP) Siaha ruat an ni a, hemi bawhzui hian an rawn kal a ni. ECM KNP-ah hian branch 94 awmin member 9,301 an awm mek a ni.

Mizoram Presbyterian Kohhran Hmeichhia tlawha ECM KNP hruaitu rawn kalte chu hengte hi an ni - 
1. Pi NT Sanô, President
2. Pi B Zihlua, Secretary
2. Pi F Ngòbu, Treasurer
3. Pi A Sanô, Town Executive Committee member (TEC)
4. Pi Nungô Hlychho, TEC
5. Pi K. Lallunghnemi, TEC
6. Pi B. Lalrinengi, TEC
7. Pi H. Dingia, TEC

For more Pics Click Here