Synod Multipurpose Training Centre (SMTC) buatsaih Lay Leaders’ Training vawi 226-na chu SMTC-ah June 18-21, 2024 chhung hian neih mek a ni a, tun tum training-ah hian Presbytery pariat – Aizawl West II, Aizawl Hmar, Chhawrpial, Tuivai, Tuichangral North, Tuichangral South, Hmarchhak leh Chhimchhak Presbytery atangin Kohhran Upa 40 an tel thei a ni.
June ni 18, 2024 (Thawhlehni) zan khan hawnna inkhawm neih a ni a, Rev. H. Lalmuanchhana, SMTC Director-in programme a kaihruai a. Upa Lalzuithanga, SMTC Managing Committee member-in training hawngin thuchah a sawi a, Tv. Israela Pachuau, Bawngkawn Chhimveng a zai bawk.
Kohhran Upate tana Lay Leaders’ Training hi kum 1996 atang khan neih tan a ni a, training tawh zawng zawng hi tuna training mi 40 nen an vaiin 7412 an ni. Training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a, Kohhran thlarau lam nun enkawl dan tha te zir ho thin a ni bawk.
Training kharna inkhawm hi June ni 21, 2024 (Zirtawpni) zan khan neih a ni a, Rev. H. Lalmuanchhana, Director-in a kaihruai a, Rev. P.B. Mankima, Synod Secretary-in trainee-te hnenah Certificate semin thuchah a sawi a, trainees atangin thusawi ngaithlak a ni bawk.
For more Pics Click Here