PASTOR-TE INFUIHTHARNA NEIH A NI
June 21, 2024 | NEWS
June 17-19, 2024 chhung khan Mizoram Presbyterian Kohhran Bial vawng Pastor-te infuih tharna hun, Synod Conference Centre-ah a thawh khatna neih a ni a, Aizawl District huam chhunga Pastor bial vawng 44 an kal thei a ni.
June 19-21 chhung hian a thawh hnihna hi Synod Conference Centre-ah neih leh mek a ni a. Hetah hian Aizawl, Saitual leh Serchhip District huam chhunga Pastor bial vawng 47 an kal bawk a ni.
Pastor-te Infuihtharna hi thawh nga neih tura ruahman a ni a. Thawh thumna hi June 24-26, 2024 chhungin Kolasib leh Mamit District huam chhunga bial vawng Pastor-te tan Synod Conference Centre-ah neih leh a ni ang a. July 2-4, 2024 chhungin Lungleiah Chhim Bial leh Serchhip District huam chhunga Pastor bial vawng mekte tan buatsaih a ni ang a, July 16-18 chhungin Champhai leh Khawzawl District huam chhunga Pastor bial vawng mekte tan Champhaiah buatsaih a ni ve leh bawk ang.
Pastor-te infuih tharna hunah hian Synod Puipaten heng thupui hrang hrangte hi an sawi thin ang:
1) Pastoral Ministry kaihhruaina
2) Kohhran mite ngaihsak
3) Tun lai huna Pastor-te inpekna
4) Pastor-te leh tunlai khawvel
