June 24, 2024 (Thawhṭanni)-a Mizoram University hnuaia Under Graduate (Arts & Commerce) 6th Semester & 4th Semester result chhuakah Mizoram Christian College chuan result ṭha tak an nei.
UG result chhuakah hian 6th Semester bikah Sociology leh Commerce-ah MCC zirlai 100% an pass a, English - 66.67%, Mizo - 80%, Public Administration - 64.29%, Political Science - 87.50% an pass bawk. 6th Semester bikah hian pass zawng zawng chu 81.36 % an tling a ni.
University top 10-ah mi pathum an lang a. Public Administration Department-ah Daniel Rinmuanpuia S/o Dr. Gilbert. Lalrinliana (L) chu pakhatna a ni a. English Department-ah Magdalene Laltlanhlui Khiangte D/o Rev. Dr. K. Lallawmzuala chu pathumna niin, Sociology Department-ah H. Laltlanthanga S/o H. Sangliana chu pangana a ni bawk.
MCC zirlaite hi 4th semester-ah Arts - 91.11% leh Commerce - 64.71 % an pass bawk.
Vawiin (June 25, 2024)-a BBA 4th leh 6th Semester result chhuakah MCC zirlaite pass dan chu 4th Sem-ah 75% a ni a, 6th Sem-ah 100% a ni.
Mizoram Christian College Principal Dr. Tawnenga chuan MCC 2nd Batch in result ṭha tak an nei leh thei chu lawmawm a tih thu a sawi a. Kohhran mipuite leh MCC Governing Board ten an ṭawngṭaipuina leh an thlawpnaah lawmthu a sawi bawk. MCC in UG result chhuak apianga result ṭha tak an la nei zel thei chu zirtirtute leh zirlaiten theihtawp an chhuahna Pathianin mal a sawm vang a nih thu sawiin, Mizoram zirnain hma a sawn zel theih nan Principal leh staff-ten 'Pathian leh kan ram tan' tih thupui vuan chunga theihtawp an chhuah zel tur thu a sawi a ni.