MSSU
June 21, 2024 (Zirtawpni) khan Ramthar Veng Kohhranah Sunday School zirtirtu training neihpuiin Upa K. Vanlalnghaka, Trainer leh Upa Zomuana Ralte, Trainer an kal.
June 22, 2024 (Inrinni) khan N. Vanlaiphai Damdawi Veng Bialah Sunday School zirtirtu training neihpuiin trainer-te, Upa K. Zoremsanga, Upa Lalsiammawia Pachuau leh Upa H. Lalbuatsaiha te an kal.
Kristian Thalai Pawl
* June 21 - 23, 2024 chhunga neih, Champhai Vengsang Pastor Bial KṬP Meet hmanpuiin Rev. Dr. Rosiamliana Tochhawng, Leader leh Upa C. Malsawmtluanga C/M te an kal a. Bial KTP Meet hi Champhai Vengsang Kohhran Biak Inah hman a ni a, Meet thupui, 'Thalaite leh Rinna' tih chu speaker, Rev. Dr. Rosiamliana Tochhawng hian a sawi a ni.
* June 21 - 23, 2024 chhung khan Kanan Kohhran, West Phaileng-ah West Phaileng Pastor Bial KTP Meet neih a ni a. CKTP Committee Member pathum, T. Upa T.C. Lalremsiama, Tv. Lalrinsanga Varte leh Pu Nicholas Lalbiakzuala ten an hmanpui a ni.
June 22 (Inrinni) khan Leadership Training neih a ni a. Chawhmaah Pu Nicholas Lalbiakzualan hun a hmang a, chawhnuah Tv. Lalrinsanga Varte-in hun a hmang bawk.
Inrinni zan atanga Pathianni zan thlengin Pathian Biak Inkhawm neih a ni a. Inrinni zanah Pu Nicholas Lalbiakzuala’n thu a sawi a, Pathianni zan inkhawmah T.Upa T.C. Lalremsiaman thu a sawi thung a ni.
* June 21-23, 2024 chhung vek khan Thenzawl Pastor Bial KTP Meet Vawi 42-na hmanpuiin Pu C. Lalkhawngaiha, A/Secy leh Pu David Lalruatfela, C/m te an kal bawk.
Social Front
* June 22, 2024 (Inrinni) nileng khan Sihphir Vengthar Bial chhunga tleirawl rualte zingah Synod Social Front chuan Career Guidance Awareness campaign a buatsaih a. Campaigner, Pu F. Vanlalrochana, Khatla-in he hun hi a hmanpui a ni.
* June 20-22, 2024 chhung khan Kanghmun Bial chhunga kohhran hrang hrangah Synod Social Front chuan Ei leh bara Intodelh campaign a buatsaih a. June ni 20 (Ningani) zanah Khawrihnim Kohhranah hun hman a ni a. Zirtawpni chhunah Lungphun Kohhranah hun hman a ni leh a, Inrinni chhunah Kanghmun Kohhranah hun hman a ni thung. Social Front Campaigner pahnih, Dr. Saithantluanga leh Pu Lalremruata ten he hun hi an hmanpui a ni. Inrinni zan atanga Pathianni zan thlengin Kanghmun Kohhranah hian campaigner-ten hun an hmang zui a ni.
Prison Ministry
June 21-23, 2024 chhung khan Central Jail-ah 3 Days Revival Crusade, khan neih a ni a. Crusade Speaker, Rev. Dr. Malsawmzoliana, ATC-in sermon tum ruk a sawi a, ngaithlatute pawhin an hlawkpui hle.
Crusade-ah hian zaithiam, One In Christ, Nl Lalrempui Hnamte, Nl Ruth Lalmalsawmi leh Nl Thelma Lalhmingthangi ten zaiin rawng an bawl a. tang mekte (Prison inmates) atangin Male Voice, Masihi Sangati Zaipawl leh Tv. Lalrindika te an zai ve bawk.
Bungkawn Kohhran aṭangin Upa K. Remmawia'n Crusade chhun thingpui a tumsak a, Dr. Lalbiakmawia Ngentê te chhungkuain, Synod Prison Ministry leh Central Jail Evangelical Church te rawngbawl nân Rs. 20,000 an hlan bawk a ni.
Crusade hi Rev. Lalhmuchhuaka, Prison Ministry Director leh Counsellor-ten a tawp thlengin an uap thei bawk.