June 29, 2024 (Inrinni) khan Synod Music School-a Piano, Violin leh Vocal zirlaiten Recital an nei a, zirlai 94 an tel thei a ni.
Recital hi Worship Dept. Coordinator Pu Lalchhunglianan hawngin Pathian hnenah a hlan a, zirlaite fuihna thu sawiin rawngbawlna atana inbuatsaih an nih thu leh kohhran tana mi tangkai tak an nih zel theih nan a chah a ni.
Recital-ah hian zirlaiten an thiam thil an lantir a. Vocal zirlaite chuan an zirlaia mi hla an sa a, Violin leh Piano zirlai te pawhin an zirlaia mi music an play a ni. Recital hi Session/Semester zawhah neih thin a ni a, musician tha ni tur chuan he programme hi a pawimawh em em a, zirlaiten an hlawkpui thin hle a ni.
