Vawiin (July 7, 2024) hi Health Sunday & Hospital Sunday (Damdawi In Pathianni) a ni a, Mizoram Presbyterian Kohhran chuan Hospital Sunday hi kum 1928 atangin a hmang tan a, kum 1981 atangin July thla Pathianni hmasa ber hi ni bik atan hman a ni.
Kum 1985 Synod Inkhawmpui thu angin 1988 atang khan January Pathianni hnuhnung ber chu Phâr Pathianni (Leprosy Sunday) atan hman thin a ni a. Kum 2004 Synod chuan phâr pual chauh ni lovin natna dangte pawh huamin 'Health Sunday' tiin a thlâk a, kum 2006 atangin Health Sunday hi hman tan a ni. Bial KTP Inkhâwmpui nen a inrual chang a awm avângin February Pathianni vawi thumnaah hman thin a ni ta a. Kum 2008 Synod-in ‘Health Sunday leh Hospital Sunday hi Pathianni vawi khatah a ruala hman ni se’ tia a rel angin kum 2010 atangin Health Sunday leh Hospital Sunday hi a rualin ni khatah, July Pathianni hmasa berah hman a ni ta a ni.
Kumin 2024 hian Health Sunday pualin chawhnuah hun hman a ni ang a, zanah Hospital Sunday puala hun hman a ni ang. Thawhlawm lak khawm a ni ang a, Synod Hospital Charity Fund pual a ni ang. Health Sunday leh Hospital Sunday pual hian Synod Hospital, Durtlanga thawktute kohhran 18-ah an kal ang.
Kumin Health Sunday & Hospital Sunday atan hetiang hian programme duan a ni:
Chawhnu Inkhâwm : Health Sunday Pual
Thupui : Natna hriat chhuah hma pawimawhna
Zan Inkhâwm : Hospital Sunday Pual
Thupui : Dam turin thu awih a pawimawh
Tun dinhmuna Synod Hospital, Durtlang leh John Williams Hospital, Lunglei-a thawktu awm dan chu hetiang hi a ni:
Synod Hospital, Durtlang:
Khum awm zat 355
Doctor 37
Nursing Staff leh Sister 156
Asst. Professor leh Tutor 12
Para Medical Staff 29
Thawktu dang 112
Thawktu zawng zawng 346
Kum 2023-2024 chhunga damlo awm man pe theilo mi 863 te awm man ba Rs.2,18,04,753/- chu charity fund atangin pek sak a ni.
John Williams Hospital, Lunglei:
Khum awm zat 30
Doctor4
Staff Nurse 22
Thawktu dang 36
Thawktu zawng zawng 62