July 8-20, 2024 chhung hian Synod Bookroom chuan kum danga an lo tih thin angin Reduction Sale an buatsaih leh mek. 

Reduction Sale-ah hian Synod Bookroom-a lehkhabu zawng zawng, Bible, Kristian Hlabu, Communion thil, Kohhran mamawh chi hrang hrang, Stationery item zawng zawng leh School Naupang mamawhte 5% - 80% discount-in hralh chhuah a ni dawn a, Mizoram chhunga Synod Bookroom Branch leh Distribution Centre zawng zawng leh Churachanpur-a Synod Bookroom-ah te Reduction Sale hi kalpui mek a ni.

July 8, 2024 chawhma dar 9:30 khan Synod Bookroom Reduction Sale hi  Mizoram pumah a rualin hawn tan a ni a. Headquarter, Mission Veng-ah Synod Executive Secretary, Rev. V.L. Luaia Hranleh, i/c PRESCOM etc. chuan Reduction Sale hi Pathian hnena hlanin kohhran mipuiten tangkai taka an hman theih  nan a hawng a. Lawngtlaiah Rev. C. Zaihmingthangan a hawng a, Lungleiah Rev. Lalchhandaman a hawng a, Champhaiah Upa C. Hualchhungan a hawng a, Kolasibah Rev. C. Lalremsangan a hawng bawk a ni.

Synod Bookroom Reduction Sale hi mipuiin lehkhabu tha leina hun remchangah hmangin an hlut hle thin a. Sorkar Office leh Kohhran leh Mimal Library neite pawhin a hlawma lehkhabu leina hunah an lo hmang tawh thin a. Reduction Sale hnuhnung ber nikum 2023 khan chawlhkar hnih chhungin Rs. 2,61,72,373 lai hmuh a ni.

Tun tum Reduction Sale hi Synod Bookroom Branch 16 leh Distribution Centre 44 ah kalpui a ni a. Lehkhabu item 7,500 chuangah a man pangngai aia tlawm(discount)-a hralh mek a ni.

For more Pics Click Here