MSSU
July 6, 2024 (Inrinni) khan Kelsih Kohhranah Sunday School zirtirtu training neihpuiin MSSU trainer-te, Upa K. Zoremsanga, Upa R. Vanlalhruaia leh Upa Lalchuailova te an kal.

Prison Ministry 
July 7, 2024 (Pathianni) khan Central Jail & Central Women's Jail-ah Rev Dr. R. Vanlaltluanga, ATC leh Rev R. Lalhmingsanga, Secy, Synod Mission Board ten Pathian thu an sawi a. Synod Mission Choir, One In Christ leh Nl R. Lalrinmawii te'n zaia rawngbawlna an nei a ni.

Central Jail-a Masihi Sangati Fellowship-ah Rev R. Lalrinsanga, Director, Masihi Sangati Kendra leh Pu David Tlangkhuma, Leader, Gurkha Gospel Team te'n thu an sawi a, Nl. Thelma Lalhmingthangi'n zaia rawngbawlin a ṭawiawm bawk a ni.

I.G. Prisons-in phalna a pek angin, Synod Prison Ministry chuan thla tin Pathianni vawi khatnaah Mizoram Jail zawng zawngah inkhawmna an buatsaih thin a. Champhai, Chhiahtlang, Kolasib, Mamit, Lawngtlai, Lunglei leh Siaha District Jail-ah te hian Synod Prison Ministry Sub Committee hmalaknain, Pathianni Chawhnuah inkhawm ṭhin a ni.  July 7, 2024 pawh khan heng District Jail zawng zawngah hian inkhawm a ni.

Aizawl khawpui chhunga Jail pathum: District Jail, Armed Veng, Central Jail leh Central Women's Jail-ah erawh chuan Prison Ministry, Synod Office aṭanga ruahman angin, chawhma leh chawhnuah inkhawm ṭhin a ni thung.