July 11-14, 2024 chhung hian Bawngkawn Kohhran Biak Inah Synod Mission Board buatsaihin North East Region Missionary Retreat vawi 5-na neih a ni dawn a. Retreat Thupui chu 'Chanchin Tha hril' tih a ni.
Retreat-ah hian chhun lamah Paper zir ho leh rawngbawl zelna tur atana thil pawimawh hrang hrangte zir a ni ang a, Paper hi Rev. Dr. K. Lalrinkima, ATC leh Upa Dr. C. Lalhrekima, Mission Veng te ziah zir ho a ni ang. Zan lamah Vantlang Pathian Biak inkhawm neih thin a ni ang a, Ningani zanah Rev. C. Zorammawia, Senior Executive Secretary-in Keynote Address a sawi ang a, Zirtawpni zanah Rev. V.L. Luaia Hranleh, Executive Secretary-in thuchah a sawi ang a, Inrinni chhunah inhlan tharna leh fakna inkhawm neih a ni ang a, zanah Rev. Dr. C. Lalramchhana, Principal, MTC-in thuchah a sawi ang.
July 14 (Pathianni) chawhmaah Rev. Dr. K. Lallawmzuala, Executive Secretary-in thuchah a sawi ang a, chawhnuah Rev. P.B. Mankima, Synod Secretary-in thuchah a sawi ang a, Missionary Chatuan ram pan tate mi pali sun a ni ang. Zanah Rev. R. Lalhmingsanga, Mission Board Secretary-in thuchah a sawi ang a, inkhawm ban apiangin zaikhawm neih thin a ni bawk ang.
Tun dinhmunah hian North East Region-ah Mission Field pasarih - Barak Area Mission Field, Tripura Mission Field, Karbi Anglong Mission Field, Arunachal & Assam Mission Field East, West, North leh Assam Mission Field te a awm a, missionary 612 an bung mek a ni.