Social Front
July 13-14, 2024 chhung khan Synod Social Front chuan Saichal Kohhranah Ruihhlo leh Sex chungchangah Awareness Campaign a buatsaih a. Campaigner hi Upa Lallianmawia, Khatla East a ni. Saichal Kohhrante hian campaign hi an lo dawngsawng tha hle.
July 13, 2024 (Inrinni) zan khan Synod Social Front chuan Maubawk Bial Half Year Meet-ah Anpui kawp chungchang Awareness Campaign a buatsaih a. Campaigner hi Dr. Robert S. Halliday, Chaltlang a ni. Maubawk Bial chhunga KTP member-ten campaign hi an lo dawngsawng tha hle.
Prison Ministry
July 14, 2024 (Pathianni) khan Prison Ministry chuan District Jail, Aizawl-ah inkhawm programme hlu danglang bik tak an hmang a. Jail tang chhuak tawhten (Ex-Prison Inmates) Jail-ah hian Krista Chanchin Tha luhpuiin, thuhril rawngbawlna hun an hmang a ni.
Chawhma inkhawmah Pi Lalnunpuiin thu a sawi a, chawhnu inkhawmah Tv. Lalrempuia, Speaker, Saltang Chhuahtu Team-in thu a sawi thung a. Nl Lalmuanawmi Fânai leh Nl Lalnunengi ten zaia rawngbawlna hun an hmang thei a. Prison Ministry Director, Rev. Lalhmuchhuaka leh Counsellor-ten programme hi an hmanpui thei bawk a ni.
Kohhran Hmeichhia
July 13-14, 2024 chhung khan Isua Krista Kohhran (IKK) Bualpui Ng Kohhran Hmeichhiate chu Central Kohhran Hmeichhe hruaitu mi 11-in an tlawh a. NEICC-WA Headquarters lamin mahni State chhunga Unit hrang hrangte intlawh tawn tura ruahmanna a siam bawhzuiin Intlawh tawn hi kalpui a ni.
July 12-14, 2024 chhung khan Kawnpui Bialah Leadership Training leh Kristian Chhungkaw Campaign neihpuiin Pi Lalmuanzuali, Asst. Secretary leh committee member-te, Pi K. Rosiamliani leh Pi J.H. Lalpekthangi te an kal.
July 13-14, 2024 chhung khan Sialhawk Bialah Kristian Chhungkaw Campaign neihpuiin committee member-te, Pi Lamchhingi, Pi Vanlalhluni, Pi Lalthawmmawii leh Pi Saithuamluaii te an kal.
Kristian Thalai Pawl
July 13, 2024 (inrinni) chhun khan Lungleng-I bial Leadership Training hmanpuiin, Pu F. Lalremruata, Fin. Secy. leh T.Upa Laltlanthanga, C/M te an kal.
July 13, 2024 (Inrinni) zan khan Kelsih Branch Rising Day Vawi 70-na hmanpuiin, Pu F. Lalremruata, Fin. Secy. leh Tv. P.C. Lalthanmawia, C/M te an kal.
