June 17, 2024 atanga neih tan, Bial vawng Pastor-te Infuihtharna (Refresher Course) thawh hnuhnung ber chu July 16-18, 2024 chhung khan Champhaiah neih a ni a. Hetah hian Champhai District leh Khawzawl District huam chhunga bial vawng Pastor-te an tel a ni.
June 17-19,19-21 leh 24-26 chhung khan Synod Conference Centre-ah Infuihtharna thawh khatna, thawh hnihna leh thawh thumna neih a ni a, July 2-4, 2024 chhungin Lungleiah thawh lina neih a ni leh bawk a ni.
Pastor-te infuih tharna hunah hian heng thupui hrang hrang- Pastoral Ministry kaihhruaina, Kohhran mite ngaihsak, Tun lai huna Pastor-te inpekna, Pastor-te leh tunlai khawvel tih te hi Synod Puipaten an sawi thin a ni.