Vawiin (Oct. 19, 2016) dar 10:00 am khan Sunday School Committee meeting vawi 160-na chu J.M. Lloyd Hall, Synod office ah an thu.
He meeting hi Synod Moderator Rev. H. Lalrinmawian a kaihruai a, Secretary hnen atangin report ngaihthlak a ni bawk. Tun tum Sunday School Committee meeting-ah hian kum 2017 -2018 Budget Estimate te, kum 2020-a Puitling Sunday School zir tur leh a ziaktu tur ruat chungchang te, kum 2017 Khawvel Sunday School Ni zir tur leh ziaktu tur ruat chungchang te, Naupang Sunday School zirlai enthatu Committee te rawtna thu te, Masihi Sangati Sunday School zirlai Home Mission-in zir ve tura rawtna te, Khawvel Sunday School Ni hlawk zawka hman chungchang te, Naupang Sunday School Exam Result Bial Inkhawmpui hmaa tichhuak tura Synod Sunday School-a thlen thu te, Naupang Sunday School Zirlaia telh tura rawt te leh Sunday School Committee hming tihchian thu te an thlir ho a ni.
Synod Inkhawmpui atana Synod Department hrang hrangte inruahman lawkna Committee hi October 17, 2016 atang khan neih tan niin Pension Board an thu a, nimin (Oct. 18, 2016) khan Prescom Board an thu a, October 20&21, 2016 hian Mission Board a thu leh ang a, October 24, 2016-ah Theological Education Board, October 25, 2016-ah Hospital Board, October 26, 2016-ah Pastoral Committee te an thu leh ang am October 27, 2016-ah Education Board, October 28, 2016-ah SL&PB Committee an thu ang. November thla chhungin Board leh Committee chi 4 an la thu leh bawk ang.