Social Front 
July 20-21, 2024 chhungin Tlungvel Vengthar Kohhranah Faina & Thianghlimna, Ruihhlo leh intodelh Awareness campaign a buatsaih a, Campaigner hi Upa C. Lalduhawma, Mission Veng a ni. Upa C. Lalduhawma hi a nupui leh a fapain an tawiawm a ni.

Prison Ministry
July 20, 2024 khan Prison Ministry Committee chuan District Jail Kolasib an tlawh a, Kolasib khawpui chhúng kohhran hrangah  Awareness Campaign an nei nghal bawk. 

Prison Ministry Sub Committee, Kolasib te nen Hmarveng Kohhran Centenary Hall-ah inkawm hovin, Rev Lalhmuchhuaka, Director-in a kai hruai a. Zanriah an kilho nghal a ni.

July 21, 2024 (Pathianni) chawhma khan Rev. Dr. K. Lallawmzuala, Executive Secretary i/c Prison etc. hovin District Jail, Kolasib Jail-a, mipa leh hmeichhe Jail lamah inkhawm a ni a. Chawhnuah Prison Ministry Kolasib Hruaitu te nên hun hmangin, Rev Lalhmuchhuaka, Director-in thuchah a sawi a.  Nl. Lalhriatkimi, Diakkawn Kolasib-in zaiin rawng a bawl bawk. 

Pathianni Chawhnu leh Zân inkhawmah, Kolasib khawpui chhunga kohhran hrang hrang sawm leh pali-ah (14) Synod Prison Ministry Comtt hian, Awreness Campaign-in hun an hmang nghal a ni.

July 21, 2024 (Pathianni) khan Aizawl khawpui pawn, District Jail zawng zawngah, Synod Prison Ministry Sub Committee ruahman angin chawhnuah inkhawm a ni.

Krista Dampuitute Team Speaker, Pu Salim Zothanpuia ruaiin, July 21, 2024 (Pathianni) khan Central Women's Jail-ah,  One Day Crusade  hlawhtling takin Prison Ministry hian a buatsaih bawk a ni.