MSSU
July 27, 2024 (Inrinni) khan Sunday School Zirtirtu training neihpuiin trainer-te hetiang hian an chhuak -
Thakthing Kohhranah - Upa K. Zoremsanga, Upa B. Hmingthanruala leh Upa Isak Zarzoliana Chhangte

Shillong Kohhranah - Upa B. Lalhmunliana leh Upa K. Vanlalnghaka

Mizoram Christian College
July 31, 2024 (Nilaini) khan Department of Mizo, Mizoram Christian College leh Mizo Language Development Board ṭangkawp chuan "Ni Khat Awh Mizo Ṭawng Zir hona" (One Day Workshop on Mizo Language) an buatsaih a. Resource Person-te chu Pu Rozama Chawngthu leh Pu Lalsangzuala, Assistant Professor, Mizoram University te an ni.

He hunah hian MCC-a department hrang hrang 5th Semester zirlaite bakah, ICFAI University, Govt Johnson College leh Govt.T. Romana College Mizo Department zirlai leh zirtirtute an tel a ni.

Synod Mission Board
July 27 & 28, 2024 chhung khan October thlaa Masihi Sangati Convention neih tur pualin Saitual khaw chhunga kohhran parukah Pre-Convention Campaign neih a ni a. Masihi Sangati Convention vawi 33-na hi October 18-20, 2024 chhungin Saitualah neih a ni ang.

Pre-Convention Campaign-ah hian Upa Lalthahluna Ralte, Co-ordinator, SMB leh Rev. R. Lalrinsanga, Director, Masihi Sangati Kendra bakah campaigner 47 leh zaipawl hrang hrang sawm lai an kal thei a ni.