HARHNA INKHAWMPUI VAWI 10-NA
August 02, 2024 | NEWS
August 2-4, 2024 chhung hian Harhna Inkhawmpui, vawi 10-na chu Saron Veng Kohhran Biak Inah neih a ni dawn a, inkhawmpui thupui chu 'Nunna chu thlang rawh u' tih a ni.
August 2, 2024 (Zirtawpni) zanah inlawmna inkhawm neih a ni ang a, Rev. R. Vanlalnghaka, Synod Moderator-in thuchah a sawi ang a, Inrinni (August 3, 2024) nileng leh Pathianni (August 4, 2024) nilengin Harhna Inkhawmpui hi neih chhunzawm a ni ang. Harhna Inkhawmpuiah hian Revival Speaker-ten inkhawmpui thupui an sawi ang a, Pathianni zan inkhawmah Rev. C. Zorammawia, Senior Exe. Secretary-in thu a sawi bawk ang. Inkhawm apiangin zaipawl hrang hrang an zai bakah inkhawm banah Lengkhawm neih thin a ni ang.
Harhna Inkhawmpui hi tun hma chuan Revival Meet tia hman thin a ni a, Synod Revival Speaker leh Counsellor-te intuaitharna hun atan hman thin a ni. Tun dinhmunah Synod Revival hnuaiah hian Synod Revival Speaker 70 (Mipa 68 leh Hmeichhia 2) an awm mek a ni.
Harhna Inkhawmpui hi Hruaina Eng TV Channel leh Synod Information Youtube Channel-ah te LIVE-a pek chhuah a ni ang.
