Kohhran Hmeichhia
August ni 4, 2024 (Pathianni) khan Kristian Chhungkaw Campaign neiin Aibawk Bialah Pi Zothansiami, Treasurer leh Committee Member-te, Pi Rengramthangi leh Pi Lalthangmawii te an kal.
MSSU
August 3, 2024 (Inrinni) khan Sunday School Zirtirtu training neihpuiin trainer-te hetiang hian an chhuak :
Chhinga Vengthlang Kohhranah - Upa Lalthanchhunga, Upa Lalrinawma Ralte leh Upa Danny Lalremmawia
Thaidawr Bialah - Upa K. Zoremsanga, Upa B. Hmingthanruala leh Upa H. Lalnghinglova
Prison Ministry
August 4, 2024 (Pathianni) khan Synod Prison Ministry chuan, Central Jail leh District Jail hrang hrangah hetiangin inkhawm rawngbawlna an nei:
1. Central Jail, Aizawl:
Chawhma inkhawmah Synod Prison Ministry Director, Rev. Lalhmuchhuaka'n hun a hmang a, Nl. Lalmuanawmi Fanai, Upper Republic-in zaia rawngbawlna hun a hmang bawk. Chawhnu inkhawmah, Sharing hun hlimawm tak hmangin, Prison Inmates paliin Testimony an sawi a, pawn lam atanga inkhawmpuitu, Ex-Prison inmates pahnihin thuchah tawi an sawi bawk. Nl. Lalawmpuii, Chaltlang; Prison inmates pahnih, Ward B Male Voice leh rawngbawltu Male Voice te hnen atangin fakna hla ngaihthlak a ni.
2. Central Jail, Masihi Sangati Fellowship-ah Prison Ministry Counsellor, Upa C. Lalsangzuala, Speaker-ah hmangin One Day Crusade neih a ni a, Nl Lalduhawmi, Durtlangin zaia rawngbawlna a nei bawk.
3. Central Women's Jail lamah Prison Ministry Counsellor te'n hun hmangin, chawhma lamah Pu David Lalnunsanga Colney-in thuchah a sawi a, Nl. Lalawmpuii, Chaltlang a zai a, chawhnu inkhawmah Tv. Lalthansanga Sailo-in thuchah a sawi a, Nl. Lalmuanawmi Fanai a zai bawk.
Aizawl khawpui pawna District Jail zawng zawngah Synod Prison Ministry Sub-Committee ruahmannnain, thla tin Pathian vawi khatna leh, vawi thumna Chawhnu lamah inkhawm rawngbawlna hi neih ṭhin a ni bawk.
August 4, 2024 (Pathianni) zan khan, Aizawl khawpui chhung kohhran pasarih- Chite Veng, Falkland East, Khatla South, Nursery Venglai, Edenthar Vengchhak leh Phunchawng kohhran-ah Prison Ministry Committee leh Counsellor te'n Awareness Campaign an nei a. Kolasib District Synod Prison Ministry Sub-Committee pawhin Rengtekawn Biala Gosen Kohhranah leh Kolasib Hmarveng Biala Saidan Kohhranah Awareness Campaign an nei bawk.
