Social Front
August 10-11, 2024 chhung khan Khuangleng Bialah Synod Social Front programme, 'Ramngaw, nungcha leh tuihna humhalh Campaign' neih a ni a. Campaign neihpui hian Er. H. Duhkima, Dam veng a kal a ni.
Prison Ministry
August 8, 2024 nileng khan Central Jail-ah Prison Inmates zinga Ward-a Rawngbawltute leh Evangelical Church hruaitute Intuai tharna (Leadership Training) neih a ni a. He hun hi Tv. Lalrempuia, Speaker, Saltang Chhuahtu Team leh Rev. Lalhmuchhuaka, Director, Prison Ministry-ten an hmanpui a ni.
August 11, 2024 khan District Jail, Aizawl-ah ONE DAY CRUSADE neih a ni a, speaker chu Rev. Dr. R. Vanlaltluanga, ATC a ni. He hunah hian Nl. Lalrempuii Hnamte, Tanhrilin zaia rawngbawlna a nei a. Synod Prison Ministry Director leh Counsellor paliten Crusade hi an telpui bakah Ex-Prison inmates pahnihin an tawiawm bawk a ni. He Crusade-ah hian Rev. Lalhmuchhuaka, Director, Prison Ministry chuan Bible chhiar chhhuakte hnenah Certificate a hlan a ni.
Campus Ministry
August 7-9, 2024 chhung khan Hill Gate School, Siahaah Campus Ministry Crusade neih a ni a. Crusade neihpui hian Rev. H.L. Thianghlima, Director, T.Upa K. Lalengzama, Resource Person leh Tv. Lalrinchhana, Counsellor te an kal. Crusade-ah hian Hill Gate School-a Class 5-10 zirlai mi 300 chuang an tel a ni.
Synod Mission Board
August 10-11, 2024 chhung khan Lungkawlh Kohhranah Ramthar Campaign neih a ni a. Campaign neihpui hian Rev. R.Lalhmingsanga, Secretary, Synod Mission Board a kal. Lungkawlh Kohhran hian Hrangturzo tlang pangah Ramthar sum tuak nan zikhlum an ching a, Ramthar pualin thlai thar thawhlawm an lak khawm an lilam thin bawk.
Trust
August 7-8, 2024 chhung khan Khawiva, Lungleiah Synod ram en felin Upa Thangliankhuma, A.E, Pu Lalhriatrenga, J.E leh Pu J. Malsawma, O.A te an kal a. Zobawk Pastor Quarters renovate leh Sumsuih Pastor Quarters retaining wall siam tur an en nghal bawk.
Worship
August ni 10, 2024 (Inrinni) khan Aibawk Bialah Zai hruai training neih a ni a. Worship Department atangin Pu Benjamin Sailo, Music Instructor leh Tv. Vanramnghaka, Keyboardist te an kal.
MSSU
August 10, 2024 khan Muallungthu Bialah Sunday School zirtirtu training neih a ni a. Training neihpui hian MSSU Trainer-te, Upa Hrilthansanga, Upa Zionparlawma leh Upa H. Lalremruata te an kal.
Finance
August 10, 2024 khan Kolasib Hmar Veng Bialah Accounts Training pein Finance Department atangin Upa Lalrosanga Kawlni, Upa Vanlalrawna Khiangte leh Pu Lalhruaizela Ralte te an kal.
