Worship
August 13, 2024 (Thawhlehni) khan Khawkawn Kohhranah Zai hruai training leh Vocal training neihpuiin H. Lalthazuala, Music Instructor leh Lalnunsanga Hmar, Edenthar Veng te an kal.
Finance
August 16, 2024 (Zirtawpni) khan Khawzawl Venglai Bialah Synod Sum vawn dan training pein Finance Department atangin Upa Lalrosanga Kawlni leh T. Upa R. Lalbiakdika te an kal.
SL&PB
August 17, 2024 (Inrinni) khan Kawnpui Bialah Literature Seminar neihpuiin Rev. Lalbiaknia, Editor, Pu Zohmangaiha, Asst. Editor leh Pu Eric Lalnunmawia, O.A te an kal a. Zanah bial chhung kohhran hrang hrangah Literature Campaign an nei zui nghal a ni.
MSSU
August 17, 2024 (Inrinni) khan Saipum Bialah Sunday School zirtirtu training neihpuiin trainer-te, Upa K. Vanlalnghaka leh Upa Lalchuailova te an kal.
Prison Ministry
1. August 15, 2024 (Ningani) khan Synod Prison Ministry chuan Central Jail & Central Women's Jail-a tâng mêkte chu Fakna Inkhawm leh Zaikhawmpui buatsaihsakin nilengin hun an hmanpui. Chawhma lamah Central Women's Jail lamah kham lo taka hun hman a nih hnuin chawhnu lamah Central Jail Mipa lam leh Masihi Sangati-ah hun hlimawm tak hman a ni bawk. Fakna inkhawm hi Rev. Lalhmuchhuaka, Prison Ministry Director leh Counsellor-ten an hmanpui a, ex-inmates pathumin an tawiawm bawk a ni.
2. August ni 18, 2024 (Pathianni) khan District Jail, Lungleiah Synod Prison Ministry-in rawngbawlna an nei a, Lunglei Chanmari leh Lunglei Venglai Pastor Bial chhung-Ramthar Kohhran, Farm Veng Kohhran, Lunglawn Kohhran leh Rahsi Veng Kohhranah te SPM Awareness Campaign an nei nghal bawk a ni. He hun hmang hian Rev Lalhmuchhuaka, Director leh Counsellor-te, Pu C. Lalchhanchhuaha, Tv. Lalthansanga Sailo leh Tv. Lalrempuia te an kal a, zaia rawngbawlna neiin Nl. Jessica Lalhmangaihtluangi a kal ve bawk. Lungleia Synod Prison Ministry Sub-Committee-in an rawngbawlna hi an tawiawm a ni.
3. August 18, 2024 (Pathianni) chawhma lam khan Central Women's Jail-ah, Synod Prison Ministry-in hun an hmang a. He hunah hian Ex Prison Inmates pathumin, SPM Counsellor-te kaihhruaiin rawngbawlna an nei. a Aizawl khawpui pawna District Jail zawng zawngah Prison Ministry Sub-Committee, District Headquarters-a hruaitute ruahman angin hun hman a ni bawk.
4. August 18, 2024 (Pathianni) khan Diakkawn Kohhran, Kolasib-in lehkhabu Jail-a dah tur, bu 355 SPM kal tlanga an pek chu Synod Prison Ministry Sub-Committee, Kolasib hruaituten District Jail, Kolasib-ah an hlan. Hemi ni vek hian Pi Mimi Lalthansangi lehkhabu ziah, 'Vut aiah Pangpar thi' tih chu District Jail, Lunglei-ah bu hnih hlan a ni bawk. Pi Mimi hian Central Jail, Central Women's Jail, Aizawl District Jail leh Lunglei District Jail-a dah tur copy theuh a pe a ni.
Trust
August 19, 2024 (Thawhtanni) khan Muallungthu leh Sateek Pastor Quarters repair leh lungrem tur en felin Pu Lalramenga Royte, J.E. a kal.
Campus Ministry
August 16, 2024 (Zirtawpni) chawhnu khan Govt. Chanmari West High School-ah hun an hmang a. He hunah hian Tv. Lalrinchhana, Counsellor leh Upa Lalnunsiama Khalthang, Resource Person, te an kal a. Pathian thusawi mai bakah zirlaiten nun duhawm zawk an neih theihna atana fuihna thu an sawi bawk.
Kristian Thalai Pawl
1. August 15, 2024 (Ningani) khan Electric Veng Kohhran Hall-ah Aizawl District chhunga KTP Branch-te pualin Ruihhlo Do Awareness Campaign neih a ni a, Branch aiawh mi 248 an tel thei a ni. Chawhma hun hi Pu F. Lalremruata, Chairman, Ruihhlo Do Sub-Committee in kaihhruaiin, Dr. Robert S. Halliday, Chaltlang-in hun a hmang a. Chawhnuah Pu C. Lalkhawngaiha, Asst. Secy., CKTP in kaihruaiin, Pi V. Vanlalruati, Venghnuai-in hun a hmang bawk. Ruihhlo Do Awareness Campaign hi Branch tinah inkhawm tum khat tal buatsaihin, Branch aiawha kalte hi Resource Person atana hmang theuh turin CKTP chuan a beisei a ni.
2. August 19, 2024 (Thawhtanni) zan khan Darlawn Branch Evangelical Night hmanpuiin Pu C. Lalkhawngaiha, Asst. Secy. leh Pu Lalrambuatsaiha, C/M te an kal.
Mizoram Christian College
August 20 & 21, 2024 khan B. Com 1st Semester zirlaite leh Public Administration 1st Semester zirlaiten 9th Mizoram Legislative Assemby Session chu a hmunah an chhim a, zirtirtuten an telpui a ni.
