August 19-26, 2024 chhung hian Family Guidance & Counselling Centre (FG&CC) buatsaih, 'Pastoral Care & Counselling Training vawi 39-na' chu neih mek a ni a. Bial pariat - Airfield Vengthar bial, Dawrpui bial, Ramthar Veng bial, ITI Veng bial, Ranhlun Vengthar Bial, Zuangtui bial, Tanhril bial leh Bethlehem Venglai bial atangin kohhran aiawh mi 27 an tel thei a ni.
August 19, 2024 (Thawhtanni) zan khan training hawnna inkhawm hi Pi Zaii Hall, Synod Conference Centre-ah neih a ni a. Inkhawm hi Rev. Lalsangbera, Resource Person-in a kaihruai a, Rev. Lalthangpuia Fanai, Director-in inlawmna neiin report a pe a, Rev. C. Zorammawia, Senior Executive Secretary-in training programme hi hawngin thuchah a sawi a ni.
Training kharna inkhawm hi August 26, 2024 (Thawhtanni) zanah neih a ni ang a, Rev. Lalthangpuia Fanai, Director, FG&CC-in kaihruaiin Rev. R. Vanlalnghaka, Synod Moderator-in Certificate semin thuchah a sawi ang.
FG&CC hian Pastor leh Kohhran hruaitute puala Counselling Training a buatsaih thin bakah Kohhran mal, Bial huap, Presbytery huap leh District khawpuiah te Kristian Chhungkaw Seminar, Campaign leh Counselling Awareness Campaign te a buatsaih thin bawk.
