August 19-23, 2024 chhung hian Synod Multipurpose Training Centre (SMTC) buatsaih Lay Leaders Training vawi 227-na chu SMTC-ah neih a ni a.
Tun tum training-ah hian Presbytery pariat - Khawthlang, Sakawrhmuituai, Teirei, Tuirini, Tuichangral North, Tuichangral South, Tuipuiral leh Aizawl Hmarchhak Presbytery atangin Kohhran Upa 36 an tel thei a ni.
August 19, 2024 (Thawhtanni) zan khan Training hawnna inkhawm neih a ni a, Rev. H. Lalmuanchhana, SMTC Director-in programme a kaihruai a. Upa B. Lalhmunliana, SMTC Managing Committee member-in training hawngin thuchah a sawi a, Nl. Thelma Lalhmingthangi, Bethlehem Vengthlang a zai bawk a ni.
Kohhran Upate tana Lay Leaders’ Training hi kum 1996 atang khan neih tan a ni a, training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a, Kohhran thlarau lam nun enkawl dan tha te zir ho thin a ni bawk.
Training kharna inkhawm hi August 23, 2024 (Zirtawpni) zanah neih a ni ang a, Rev. H. Lalmuanchhana, SMTC Director-in programme kaihruaiin, Rev. Dr. K. Lallawmzuala, Executive Secretary-in trainee-te hnenah Certificate semin thuchah a sawi ang.
For more Pics Click Here