Department Activities - August 28, 2024
August 28, 2024 | DEPARTMENT ACTIVITIES
Kristian Thalai Pawl
1. August 24 & 25 ,2024 khan Thenzawl Field Veng Bial KTP Leadership Training hmanpuiin CKTP committee member-te, Nl. F. Lallianzuali, Pu K. Vanalremruata leh Pu Lalruatpuia te an kal.
2. August 25, 2024 (Pathianni) zan khan Tanhril MZU Kohhran Biak Inah MZU Zirlai Pual Inkhawm hmanpuiin CKṬP Committee Member leh Synod Zaipawl te an kal a. He hun hi Tanhril MZU Kohhranin KṬP member-te leh MZU-a zirlai awmte tana a ruahman a ni a. Member leh kohhran mipui ṭhahnem tak an inkhawm a, inkhawm banah fellowship hlimawm tak hman a ni bawk.
Prison Ministry
August 23-25, 2024 chhung khan District Jail, Aizawlah Crusade hlawhtling taka hman a ni a. Crusade-ah hian, Rev. Dr. Malsawmzoliana, ATC chu Speaker a ni. Crusade-ah hian One In Christ bakah Nl. Thelma Lalhmingthangi, Nl Lalawmpuii leh Nl. Zomuansangi Pachuau, te'n zaia rawngbawlna an nei bawk a ni. Crusade chhung hian taksa leh thlarauva damna chang thar te awmin, zai boruak a tla ṭha thin hle a, a tir atanga a tawp thlengin Ex-Prison inmate pahnih bakah Bungkawn kohhran aṭangin mi pathumin an tawiawm thin bawk a ni.
SMB Missionary, Pi Mimi Lalthansangi'n a lehkhabu ziah, 'Vut aiah Pangpar ṭhi' copy 2, District Jail Library tana a pek chu Prison Ministry Director, Rev. Lalhmuchhuaka'n a hlan a. Speaker Rev. Dr. Malsawmzolianan Bible chhiar chhuakte hnenah certificate a hlan bawk a ni.
Crusade neih phalna petu, Prison Dept hotute chungah leh tawngtaipuitute zawng zawng chungah Synod Prison Ministry chuan Pathian hmingin lawmthu a sawi a ni.
Social Front
August 23, 2024 (Zirtawpni) zan khan Bawngkawn Bethel Kohhran-ah Synod Social Front programme, 'Tuihna, Ram ngaw leh Nungcha humhalh' campaign neih a ni a, he hunah hian campaigner Dr. Lalbiakmawia Ngente, Bungkawn a kal. Ani hi Synod Social Front Tuihna, Ram ngaw leh nungcha humhalh core group member a ni.
MSSU
August 24, 2024 (Inrinni) khan Tlangnuam West Kohhranah Sunday School zirtirtu training neihpuiin Pu Lalhmunzauva Tlau, Asst. Coordinator leh MSSU trainer-te, Upa Lalthanchhunga leh Upa H. Lalnghinglova te an kal.
