August 27-30, 2024 chhung hian Pi Zaii Hall, Synod Conference Centre-ah Synod Worship Department buatsaihin Residential Choir Conductor’s Training neih mek a ni.
He training-ah hian Bial/Kohhran hrang hrang atangin Conductor 55 an kal khawm a ni. Synod Worship Department hian Residential Choir Conductors' Training hi kum tin a buatsaih thin a, kumin hi Conductors' Training neih vawi 28-na a ni.
August 27 (Thawhlehni) zan dar 6:30-ah programme hlanna inkhawm neih a ni a. Pu Lalchhungliana, Co-ordinator, Worship Department-in a kaihruai a, Pu H. Lalrinmawia, Senior Music Instructor-in introduction a neih hnuah Upa Vanlalsawma Siakeng, Synod Secretary (Jr)-in Pathian hnenah programme a hlan a, programme hlanna neih zawh hian training chhunzawm nghal a ni.
August 30 (Zirtawpni) zan dar 6:30-ah training kharna inkhawm neih a ni ang a, Rev. P.B. Mankima, Synod Secretary (Sr)-in inkhawm kaihruaiin, Pu Lalchhungliana, Coordinator-in training report a pe ang a. Rev. R. Vanlalnghaka, Synod Moderator-in training chhuakte hnenah Certificate hlanin thuchah a sawi nghal bawk ang.
For more Pics Click Here