Vawiin (Oct. 27, 2016) dar 10:00 a.m. khan Synod Education Board Committee chu J.M. Lloyd Hall, Synod Office-ah an thu a, member 49 an tel thei a ni.
Meeting hi Synod Moderator Rev. H. Lalrinmawian a kaihruai a, Secretary hnen atangin report ngaihthlak a ni bawk. Tun tum meeting-ah hian kum 2017 -2018 Synod Higher Secondary School leh P.C. Girls’ School Budget ruahmanna te, zirtirtu confirm dilna te, Moderator’s Award siam rawtna te, P.C. Girls’ School Asst. Headmaster thar ruat chungchang te, Presbyterian English School hawn dilna te, Presbyterian English School-te hman tur, Tonic Solfa awm saptawng hlabu Synod-in siam rawtna te, Synod Higher Secondary Hostel-ah tun aia zirlai an tam zawk theih nan tihlen chungchang te an thlir ho a ni.