August 31, 2024 (Inrinni) hi Ramthar Ni a ni a, Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a nih vangin Mizoram Presbyterian Kohhran tan ni pawimawh bik a ni.
Kum 1972 Mizoram Synod Inkhawmpui chuan, Synod Ramthar Board-in, 'August 31, Pu Zosaphluia Mizorama a lo thlen ni hi Synod Ramthar Ni atan hman ni se', tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni.
Mizoram Presbyterian Kohhran chuan kumin Ramthar Ni pual hian tum khat inkhawm atan programme a siam a, thupui inang tlang 'Chung lam atanga chhuakin min rawn tlawh' tih chu zir ho a ni ang.
Ramthar Ni denchhen hian Synod Mission Board-a thawktute leh campaigner-te hetiang hian Ramthar Campaign-in an chhuak ang:
Venghlui Kohhran -
Rev. R. Lalhmingsanga, Secretary, Synod Mission Board
Ruantlang Kohhran -
Upa Lalthahluna Ralte, Coordinator leh Upa K. Lalthakima, ITI Veng
Vauzau Bial -
Pu B. Lalringliana, Mission Promoter; Pu Lallawmnakima Hmar, Circulation Manager, Ramthar Chanchinbu; Upa Lalramliana, BEC member & Upa C. Lalmalsawma, BEC member
Bukpui Bethel Kohhran -
Pu K. Laldawngliana, Mission Promoter leh Pu. T.C. Lalruatfela, Synod Office
Centenary Kohhran -
Pu K. Lallianzuala, Supervisor of Schools
Hmuntha Kohhran -
Rev. F. Lalrinnunga, BEC member
Synod Mission Board rawngbawlna chanchin tlangpui 2024 Click Here