Synfo leh Central KTP tangkawpin an buatsaih Praise On 2024 Mal zai Intihsiak chu September 3, 2024 (Thawhlehni) zan dar 8:30 khan Pathian hnena hlanna inkhawm, Upper Republic Kohhran Hall-ah neih a ni.
Hlanna inkhawm hi Host Nl. C. Lalawmpuii’n kaihruaiin Central KTP Leader Rev. Dr. Rosiamliana Tochhawng-in hunserh a hmang a, Organizing Secretary T.Upa T.C. Lalremsiama’n inhmelhriattirna neiin report a pe a. Synod Moderator Rev. R. Vanlalnghaka’n Praise On 2024 Mal zai intihsiak neih tur chu tawngtaiin Pathian hnenah a hlan a ni. He hunah hian Mizoram Synod Choir te an zai a, Organising Chairman Pu John Lalhruaitluanga’n lawmthu sawiin Rev. P.B. Mankima, Synod Secretary-in malsawmnain inkhawm a tin a ni.
Praise On 2024 Audition Round hi District panga-ah neih a ni dawn a, audition round hmasa ber hi September 6 khan Champhai Venglaiah neih a ni ang a, September 10-ah Serchhip, September 14-ah Kolasib, September 21-ah Lunglei leh September 25-28 chhungin Aizawlah neih tura ruahman a ni.
Tun tum Praise On 2024 mal zai intihsiaka tel tur hian hming pe 349 an awm a ni.
For more Pics Click Here