Vawiin (Sept. 29, 2016) khan Mizoram People Forum chuan Synod Conference Centre-ah Annual General Meeting vawi 10-na an hmang.
Meeting hi session hnihah then a ni a, chawhma hun hi President Rev. H. Lalrinmawian kaihruaiin inlawmna thu a sawi a, Vice President Rev. Lawmthangan hunserh a hmang. Mizoram hmun hrang hrang atangin palai an kal thahnem hle. Pu Vanlalruata, Secretary-in inhmelhriatirna hun a hmang a, Rev. Dr. R. Lalbiakmawia, General Secretary-in Annual Report a pe a, Pu P.C. Lalmawia, Finance Secretary hnen atangin pawisa dinhmun reports ngaihthlak a ni bawk. Pi Lalengkimi, Treasurer-in kum 2017-2018 Budget a pharh a, District Forum hruaitute atangin thusawi tawi ngaihthlak a ni a, Upa Sanglianthanga, Tlangnuam leh Nl. Ruth CVL Muanpuii, Dawrpui Vengthar te an zai bawk. Chawhnu hun hi Upa R.K. Thanga, Vice President-in a kaihruai a, Rev. G.B. Niropuia, Joint Secretary-in hunserh a hmang. Pu Lalthalmuana Ralte, Tuikual buatsaih ‘Sorkar Inrelbawlna tha’ (Good Governance) tih thupui zirho a ni a, sawihona hun hman a ni bawk. Tv. Joel Zaithanzuala, Tlangnuam a zai a , Rev. Robert Vanlalliana, Vice President-in lawmthu sawina hun a hmang.